Team Chabuk-Gujarat Desk: ગીર સોમનાથ જિલ્લાનો મગર અને ભગતની દોસ્તીનો વીડિયો હાલ ખુબ વાયરલ થઈ રહ્યો છે. વીડિયોમાં એક આધેડ વયના વ્યક્તિ મગરને શીતલ કહીને બુમ પાડે કે તરત જ ઉંડા પાણીમાંથી અને 100 ફૂટ દૂર હોય તો પણ 7 ફૂટ લાંબી મગર કિનારે આવી જાય છે. જે બાદ આ વ્યક્તિ મગરને લાપસી અને ગાંઠિયા ખવડાવે છે. એ પણ એકદમ નજીક બેસીને. જાણે મગર અને આ વ્યક્તિની જન્મો જન્મની દોસ્તી હોય એમ જ અને બીજી તરફ લોકો જોતા રહી જાય છે.
આ વીડિયો ગીર સોમનાથના વેરાવળ તાલુકાના સવની ગામમાં આવેલા ખોડીયાર માતાજીના મંદિર નજીક ગાગડીયા ધરાનો છે. અહીં એક મગર છે. જે રોજ શાકાહારી ભોજન કરે છે. વીડિયોમાં જોવા મળી રહેલા વ્યક્તિનું નામ જીવાભાઈ ભરવાડિયા છે. લોકો તેને ભગતના નામે જ ઓળખે છે. જીવાભાઈ આમ તો મૂળ દેવભૂમિ દ્વારકા જિલ્લાના વતની છે જેઓ દોઢ વર્ષ પહેલાં અહીં ખોડિયાર માતાજીના દર્શને આવ્યા હતા. ત્યારે જ તેમણે આ મગરને પહેલીવાર જોઈ હતી. માતાજીના દર્શને આવેલા જીવાભાઈ એ દિવસ બાદ પરત દ્વારકા નથી ફર્યા. તેઓ અહીં જ રહે છે. તેઓ રોજ મગરને આવી જ રીતે ભોજન કરાવે છે.
ગીર સોમનાથ: મગર અને ભગતની દોસ્તી#friendship #crocodile #Shital #Babiya #avegetariancrocodile #Gujarat #GirSomnath #Gir pic.twitter.com/0PUiaIjC8c
— thechabuk (@thechabuk) September 1, 2023
એવું ભાગ્યે જ જોવા મળતું હોય છે કે કોઈ મગર શાકાહારી હોય છે. આવી જ એક મગર કેરળમાં હતી. જેને લોકો બાબિયા તરીકે ઓળખતા. ઓક્ટોબર 2022માં નિધન થયું હતું. કેરળના કાસરગોડના શ્રી અનંત પદ્મનાભ સ્વામી મંદિર નજીક નદીમાં આ મગર રહેતી. બાબિયા સંપૂર્ણ શાકાહારી હતી. તે માત્ર ભાત અને ગોળ જ ખાતી. માનવામાં આવે છે કે અંદાજે 70થી 75 વર્ષથી તે દિવસ રાત મંદિરની રક્ષા કરતી. તે મંદિરની આસપાસ જ નદીમાં રહેતો હતો. હજારો લોકો આ મંદિરે માત્ર બાબિયાને જોવા પણ આવતા હતા.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
