Team Chabuk-Gujarat Desk: રાજકોટના ઉપલેટામાં જીમમાં જતા એક યુવકની હત્યા કરી દેવામાં આવી. યુવકને છરીના ઘા ઝીંકી મોતને ઘાટ ઉતારી દેવામાં આવ્યો. જીમમાં સાથે આવતા વ્યક્તિએ જ યુવક પર હુમલો કર્યો હતો. વિપુલ ડાયનિંગ હોલ પાસે નક્ષત્ર કોમ્પ્લેક્સમાં આવેલા જીમ નજીક જ યુવકને છરીના આડેધડ ઘા ઝીંકી દીધા હતા. જેમાં આશિષ ભાદરકા નામના 29 વર્ષના યુવકનું મોત થયું છે.
બનાવ અંગે જાણ થતા પોલીસની ટીમ ઘટના સ્થળે દોડી ગઈ હતી. ત્યારબાદ મૃતદેહને પોસમોર્ટમ અર્થે મોકલ્યો હતો. પોલીસની પ્રાથમિક તપાસમાં અંગત અદાવતમાં યુવકની હત્યા થઈ હોવાનું સામે આવ્યું છે. હાલ પોલીસે આરોપીને ઝડપી લઈ વધુ તપાસ શરૂ કરી છે. પોલીસે આસપાસના સીસીટીવી ફૂટેજ પણ મેળવ્યા છે. હાલ પોલીસે આ સમગ્ર મામલે આરોપીની પૂછપરછ હાથ ધરી વધુ તપાસ શરૂ કરી છે. તપાસમાં હત્યા પાછળનું ચોક્કસ કારણ સામે આવશે.
ઉપલેટામાં ખરાબ રસ્તા મુદ્દે કોંગ્રેસ મેદાને
ઉપલેટામાં રસ્તાઓની હાલત અત્યંત બિસ્માર બનતા લોકોમાં રોષ ફેલાયો છે. ખરાબ રસ્તા અંગે કોંગ્રેસ પણ મેદાને ઉતરી છે અને તાત્કાલિક રસ્તાનું સમારકામ કરવા માગણી કરી છે. એટલું જ નહીં અઠવાડિયાનું અલ્ટીમેટમ આપી નગરપાલિકાને તાળાબંધી કરવાની ચીમકી ઉચ્ચારી છે.
આ અંગે ઉપલેટા શહેર કોંગ્રેસના પ્રમુખ કૃષ્ણકાંત ચોટાઈની આગેવાનીમાં શહેર કોંગ્રેસના આગેવાનો લખમણ ભોપાળા, ભુપત કનેરિયા, દિલીપ જોષી, કમલેશ વ્યાસ, ગુલામ હુશૈન બાપુ બુખારી, રસીદ સીવાણી, ભરત ડેર, પીઠા રાઠોડ, મનોજ સોલંકી, ધવલ પટેલ, જયરાજસિંહ જાડેજા, ઈશાક શેખ સહિતનાએ ચીફ ઓફિસરને આવેદનપત્ર આપી રજૂઆત કરી હતી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
