Team Chabuk-Gujarat Desk: દિવનો દરિયા કિનારો શાંત છે, સૌમ્ય છે. ભાગ્યે જ અકસ્માતની ઘટના અહીં બને છે. પણ આજે જે વીડિયો વાઈરલ થયો છે અને જે-જે લોકો એ દૃશ્ય જુએ છે તેમની છાતી એક થડકો તો ચૂકી જ જાય છે. આ વીડિયો નાગવાબીચનો છે. જેમાં એક દંપતિ પામ એડવેન્ચર પર પેરાશૂટની મજા માણી રહ્યા હતા. આનંદ હતો અને થોડી વારમાં જ આ ઘટના શોકમાં તબ્દિલ થઈ ગઈ, કારણ કે બોટ અને પેરાશૂટની વચ્ચેનું દોરડું તૂટી ગયું.
વીડિયોમાં જોઈ શકાય છે કે એક દંપતિ દીવના સહેલાણીઓથી ભરચક એવા નાગવા બીચમાં પામ એડવેન્ચર પર પેરાસેઈલિંગ રાઈડિંગની મજા માણી રહ્યું છે. દરિયાની અંદર ચાલતી બોટમાં દોરડાનો એક છેડો છે, જ્યારે બીજો છેડો પેરાશૂટમાં, જ્યાં દંપતિ ઉડી રહ્યું છે ત્યાં છે. આ દંપતિ મજા માણી રહ્યા છે અને તેનો કોઈ વીડિયો પણ ઉતારી રહ્યું છે.
એક મિનિટ અને અઠ્યાવીસ સેકન્ડના આ વીડિયોમાં બરાબર એક મિનિટ અને બારમી સેકન્ડે દોરડું તૂટી જાય છે. બોટમાં હલચલ મચી જાય છે અને રાડારાડી થવા લાગે છે. હવે સવાલ એ થતો હશે કે આ દંપતિને થયું શું? દંપતિને કશું નથી થયું. તેઓ દરિયામાં પડ્યા હતા અને કોઈ પણ જાતની ગંભીર ઈજા નહોતી થઈ. બીજી બાજુ દિવ ટુરિઝમના અધિકારીઓ પોતાની ભૂલ પણ સ્વીકારવા તૈયાર નહોતા અને દંપતિને ધમકાવ્યા હોવાની વાત પણ સામે આવી રહી છે.
જોકે વેકેશનની આ મજા ક્યારે સજામાં પરિવર્તિત થઈ જાય કહેવાય નહીં. આ પ્રથમ વખત બન્યું છે કે જ્યારે દિવમાં આવી કોઈ મોટી ઘટના બની હોય અને ગંભીર અકસ્માત થયો હોય. દિવના ટુરિઝમ પર હવે અસંખ્ય સવાલો પણ ઉઠી રહ્યા છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
