Team Chabuk-Gujarat Desk: શિયાળાની ગુલાબી ઠંડીનું જોર આવનારા મહિનામાં વર્તાય એવી આશા છે. હાલ હાડ થીજાવતી ઠંડીની અનુપસ્થિતિ દેખાય રહી છે. હજુ વાતાવરણ મિશ્ર છે. સવારમાં શિયાળાની આછેરી ઠંડીની અનુભૂતિ થાય છે તો બપોર થતાં તડકો પોતાનો રંગ દેખાડે છે. આ વચ્ચે ચોમાસાએ પણ પ્રવેશ કરતા શિયાળામાં ત્રિવિધ ઋતુઓનો સંગ્રામ જોવા મળશે.
સમાચાર સામે આવી રહ્યા છે કે અરબી સમુદ્રની અંદર સાઈક્લોનિક સરક્યુલેશન સક્રિય થયું છે. જેની ફળશ્રુતિ રૂપે ગુજરાતમાં મેઘરાજા પધરામણી કરવાના છે. 1 ડિસેમ્બરના રોજ મહારાષ્ટ્રના દરિયાકાંઠા વિસ્તારમાં મજબૂત વેસ્ટર્ન ડિસ્ટર્બન્સ સક્રિય થશે. પરિણામે તેની આંતરક્રિયા થકી 1થી 2 ડિસેમ્બર દરમ્યાન અમદાવાદમાં પોણો ઈંચ, જ્યારે દક્ષિણ ગુજરાતમાં બેથી ત્રણ ઈંચ વરસાદ પડવાની શક્યતા હવામાન વિભાગ દ્વારા વ્યક્ત કરવામાં આવી છે. ખાસ કચ્છ અને બનાસકાંઠામાં કમોસમી વરસાદનું આગમન થશે.
ગુજરાતના મહાનગર અમદાવાદના તાપમાનની જો વાત કરવામાં આવે તો સોમવારના રોજ તાપમાન દોઢ ડિગ્રી ગગડતા 32.4 ડિગ્રી રહ્યું, જ્યારે લઘુતમ તાપમાન 16.9 ડિગ્રી નોંધાયું હતું. સાંજ થતા વાતાવરણમાં આવતા પલટાના કારણે ઠંડીનું પ્રમાણ વધી જાય છે. હવામાન વિભાગ દ્વારા જણાવવામાં આવ્યું છે કે આજે મંગળવારની બપોરથી એક ડિસેમ્બર સુધી વાતાવરણમાં પલ્ટો આવશે.
હવામાન વિભાગના નિષ્ણાત અંકિતભાઈ પટેલે જણાવ્યું હતું કે, ‘અરબી સમુદ્રમાં અપર એર સાઈક્લોનિક સરક્યુલેશન સક્રિય થયું છે, જેનો ટ્રફ મધ્ય અરબ સાગર સુધી લંબાશે. જેની અસરથી 30 નવેમ્બરથી વાતાવરણમાં પલટો આવશે અને 1થી 2 ડિસેમ્બર વરસાદ પડી શકે છે.’
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
