Team Chabuk-Gujarat Desk: સુરતમાં હીરા વેપારીના ઘરમાંથી હીરા ચોરી કરનારા બે આરોપી ઝડપાયા છે. જો કે, આરોપીઓએ કબૂલાત કરી છે કે, બેગમાં હીરા હોવાની જાણ ન હોવાથી તેમણે બેગ તાપી નદીમાં ફેંકી દીધુ હતું. તો બીજી તરફ પોલીસને શંકા છે કે આરોપી ખોટું બોલી રહ્યા છે જેને લઈને પોલીસે વધુ તપાસ શરૂ કરી છે.
આરોપીએ સુરતના મોટા વરાછામાં હીરા વેપારીના બંગલામાં ખુલ્લી બારીમાંથી પ્રવેશી હીરા સહીત ૧૫.૪૫ લાખની ચોરી કરી હતી. આરોપીની પ્રાથમિક પૂછપરછ દરમિયાન જણાવ્યું હતું કે લેપટોપ બેગમાં હીરા હોવાની તેઓને જાણ ન હતી. જેથી તેઓએ બેગ તાપી નદીમાં ફેકી દીધી હતી. ઝડપાયેલા આરોપી રીઢા ગુનેગાર હોવાથી પોલીસને તેમની વાત પર વિશ્વાસ નથી. બે આરોપી પૈકી અજય ઉર્ફે બોડો નામનો આરોપીનું નામ ભૂતકાળમાં સચિન પોલીસ મથકમાં સૃષ્ટી વિરુદ્ધનું કૃત્ય, વાહન ચોરી અને પ્રોહિબિશનના ગુનામાં પોલીસ ચોપડે નોંધાઈ ચુક્યું છે.
આ કેસમાં ડીસીબી પોલીસે બાતમીના આધારે ઉત્રાણ રામપાટ પાણીની ટાંકી પાસેથી અજય ઉર્ફે બોડો રામુ વસાવા અને રિક્ષા ડ્રાઈવર મુકેશ ઉર્ફે પપ્પુ રામશીરોમણ મોર્યાને ઝડપી પાડ્યા હતા. તેમની પાસેથી રૂપિયા ૮૦ હજારની કિમતની બાઈક ૨૦ હજારની કિમતના બે મોબાઈલ મળી કુલ ૧ લાખનો મુદામાલ કબજે કર્યો હતો.
પોલીસે આરોપીઓની પૂછપરછ કરતા જાણવા મળ્યું હતું કે અજય બોડા ગ્રીલ મારફતે ઉપર ચડ્યો હતો ખુલ્લી બારીમાંથી લેપટોપ અને બેગની ચોરી કર્યા બાદ નીચે ઉતરી ગયો હતો. આ બાદ બેગમાં રહેલા ઓરીજીનલ ડૉક્યુમેન્ટ બંગલાની નજીક ખુલ્લા મેદાનમાં ફેકી દીધા હતા.
હાલ, પોલીસે આરોપી પાસેથી મુદામાલ કબજે કરી વધુ તપાસ શરૂ કરી છે. સાથે જ તાપી નદીમાંથી બેગ શોધી કાઢવા કાર્યવાહી શરૂ કરી છે. પોલીસે કહ્યું કે, સ્થાનિક પોલીસ અને ગોતાખોરની મદદથી બેગની શોધખોળ હાથ ધરાઈ છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
