Team Chabuk-Gujarat Desk: ગુજરાતમાં હવે દુષ્કર્મના કેસમાં પોલીસની કામગીરી તેજ બની રહી છે. આરોપીઓને જલદીમાં જલદી જેલના સળિયા પાછળ ધકેલવા અને ગુનાઓ ડામવા પોલીસ કડક પગલાં લઈ રહી છે. ગજરાતમાં માત્ર 7 દિવસમાં દુષ્કર્મ બાદ હત્યા મામલે સુરત કોર્ટમાં ચાર્જશીટ રજૂ કરી દેવામાં આવી છે. પાંડેસરા પોલીસ અધિકારીઓની કામગીરી આખરે રંગ લાવી છે.
સુરતના વડોદમાં અઢી વર્ષની બાળકી પર દુષ્કર્મ અને હત્યાના કેસમાં સુરત પોલીસે માત્ર 7 જ દિવસમાં ચાર્જશીટ રજૂ કરી દીધી છે. આ મુદ્દે સુરત શહેરના પાંડસેરા પોલીસ સ્ટેશનના પીઆઈ એપી ચૌધરીએ જણાવ્યું હતું કે, બાળકીને શોધવા માટે 100થી વધુ પોલીસ જવાનોએ કામગીરી કરી હતી. આરોપીને ઝડપી પાડ્યા બાદ 7 જ દિવસમાં 246 પાનાની ચાર્જશીટ સેશન્સ કોર્ટમાં રજૂ કરવામાં આવી છે. 246 પાનાંની ચાર્જશીટમાં મુખ્ય સાક્ષીઓના નિવેદન, CCTV ફૂટેજ, મેડિકલમાં FSLનો રિપોર્ટ, ઓળખ પરેડની કામગીરી સહિતના પુરાવાનો સમાવેશ કરાયો છે.
ગત ચાર નવેમ્બરે દિવાળીના દિવસે અઢી વર્ષની બાળકીનું તેના જ ઘરના આંગણામાંથી અપહરણ થયું હતું. ત્યારબાદ આરોપીએ બાળકી પર દુષ્કર્મ આચરી તેની હત્યા કરી દીધી હતી. અઢી વર્ષની બાળકીની લાશ ઘરથી 300 મીટરના અંતરે મળી હતી. બાળકી પર દુષ્કર્મ આચરી ગળું દબાવી હત્યા કરાઈ હતી. પોલીસે આરોપીને 8 નવેમ્બરના રોજ ઝડપી પાડ્યો હતો. જે હાલ જ્યુડિશિયલ કસ્ટડીમાં જેલમાં બંધ છે. દરમિયાન પોલીસ દ્વારા આરોપી પકડાયાના 7 દિવસમાં જ 246 પાનાંની ચાર્જશીટ રજૂ કરી દેવામાં આવી છે. આરોપી વિરુદ્ધના દસ્તાવેજી પુરાવા સરકારી વકીલે કોર્ટમાં રજુ કર્યા છે. લીગલ વિભાગ દ્વારા આરોપી તરફે વકીલની ફાળવણી કરાઈ છે. હવે આવતી કાલથી પુરાવાઓ પર કોર્ટની કાર્યવાહી શરૂ થશે.
હાલ આરોપી ગુડ્ડુકુમાર મધેશ યાદવ હાલ રિમાન્ડ હેઠળ છે. આરોપી પાસે પોલીસે રિકન્ટ્રક્શન પણ કરાવ્યું હતું. પોલીસ તપાસમાં આરોપીના મોબાઈલમાંથી મળેલા પોર્ન વીડિયો બાબતે કેટલીક વિગતો સામે આવી છે.
તપાસમાં સામે આવ્યું છે કે, આરોપી ગુડ્ડુએ વડોદના આશીર્વાદ નગરમાંથી મોબાઈલની દુકાનમાંથી કાર્ડ લીધી હતું. જેના આધારે પોલીસે જય અંબે નામની દુકાનમાં દરોડા પાડયા હતા અને દુકાનદાર લક્કી ઉર્ફે સાગર વિજય શાહની ધરપકડ પણ કરી હતી. સાતે જ પોર્ન વીડિયો વાળું મેમરી કાર્ડ, કોમ્પ્યુટર અને કાર્ડ રીડર જપ્ત કર્યું હતું. આરોપી લક્કી પોર્ન વીડિયોવાળું મેમરીકાર્ડ 300 રૂપિયામાં વેચતો હોવાનો ખુલાસો થયો છે. હાલ આ મુદ્દે પોલીસે વધુ તપાસ શરૂ કરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
