Team Chabuk-Gujarat Desk: વડોદરા શહેરમાં મહિલાઓ સમક્ષ અભદ્ર ચેષ્ટાઓ કરી રહેલા યુવાનને રણચંડી મહિલાઓએ મેથીપાક ચખાડી પોલીસને હવાલે કરી દીધો હતો. વડોદરાની માંજલપુર મારૂતીધામ સોસાયટી પાસે મોડી સાંજે કેટલીક મહિલાઓ લટાર મારવા માટે નીકળી હતી. એવા સમયે એક રોમિયો મહિલાઓને જોઈ અભદ્ર વર્તન કરવા પર ઉતરી આવ્યો હતો. એ પેન્ટની ચેન ખોલ-બંધ કરી રહ્યો હતો. આખરે મહિલાઓએ તેની શાન ઠેકાણે પાડવા લમધાર્યો હતો અને માંજલપુર પોલીસના હવાલે કરી દીધો હતો.
ઘટનાની પ્રાપ્ત વિગતો કંઈક એવી છે કે સ્થાનિક રહેવાસી મહિલાઓ 28મી જાન્યુઆરીના રોજ સાંજના પાંચ વાગ્યે સોસાયટી પાસે આવેલા મેદાનમાં ચાલવા માટે નીકળી હતી. જ્યારે તેઓ સોસાયટીમાં પરત ફરતી હતી ત્યારે એક યુવાન તેમની સામે પેન્ટની ચેન ખોલ-બંધ કરતો હતો. મહિલાઓએ પોલીસ કન્ટ્રોલ રૂમને ફોન કર્યો હતો અને પોલીસ આ બદમાશને લઈ ગઈ હતી.
પોલીસના જણાવ્યા અનુસાર આ યુવાનનું નામ કુશલ વસંતભાઈ પટેલ છે. જેની વિરૂદ્ધ પોલીસે 354 (એ)(1)(2) અને 354(એ)(2) મુજબ ગુનો નોંધી તેની ધરપકડ કરી છે. આ યુવાનની વિરૂદ્ધ અગાઉ કોઈ પણ પ્રકારનો ગુનો નોંધાયો ન હોવાનું પોલીસે જણાવ્યું હતું.
[તસવીર પ્રતિકાત્મક છે.]
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
