Team Chabuk-Gujarat Desk: ગઈકાલે જામનગરના એક અંતરિયાળ ગામમાં રહેતા મધ્યપ્રદેશના યુવકે પત્નીના વિરહમાં પાકમાં છાંટવાની દવા ગટગટાવી લીધી હતી અને હવે ગુજરાતમાં વધુ એક પરપ્રાંતિય યુવકનો અકસ્માતનો બનાવ બન્યો છે. આ યુવક અને તેની સાથેની યુવતી બંને પ્રેમી પંખીડા હતા. પશ્ચિમ બંગાળથી ભાગી વલસાડના વાપીમાં આવ્યા હતા. પણ રોડ ક્રોસ કરવા જતાં યુવકનું ટ્રકની અડફેટે અકસ્માતમાં કમકમાટીભર્યું મોત થયું હતું.
ઘટનાની પ્રાપ્ત વિગતો અનુસાર મૂળ પશ્ચિમ બંગાળની યુવતીને બિહારમાં રહેતો તેનો પ્રેમી મહમ્મદ તંજિલ 10 જુલાઈના રોજ ભગાડી ગુજરાતમાં આવ્યો હતો. ગુજરાતમાં બંનેનો ઉતારો વલસાડનું વાપી બન્યું હતું. અહીં યુવકને ખાનગી કંપનીની બાંધકામની સાઈડમાં નોકરી મળતા છૂટક મજૂરી કરતો હતો અને ઝૂંપડામાં રહેતા હતા.
બે વર્ષ પહેલા આ મહિલાના અન્ય એક યુવક સાથે લગ્ન થયા હતા. જોકે મહિલાને બિહારના મહમ્મદ સાથે પ્રેમ સંબંધ હોય તેણી ચાર વર્ષથી ઘરે જતી નહોતી. 10 જુલાઈનાં રોજ પોતાના પરિવારને જાણ કર્યા વગર તે ગુજરાત પોતાના પ્રેમી સાથે ભાગી આવી ગઈ હતી. આ યુવકનો એક મિત્ર હતો જેણે આ આ યુવકને બાંધકામની સાઈડ પર નોકરીએ રાખ્યો હતો.
તારીખ 2 ઓગસ્ટની સાંજે ધરમપુર ચોકડી ખાતે તે પોતાની પ્રેમિકા સાથે રોડક્રોસ કરી રહ્યો હતો. એ દરમ્યાન વાપીથી અમદાવાદ તરફ જઈ રહેલા એક ટ્રકની અડફેટે યુવકનું કમકમાટીભર્યું મોત થઈ ગયું હતું. બીજી બાજુ મહિલા ગંભીર રીતે ઈજાગ્રસ્ત થતા તેને 108ની મદદ વડે સારવાર હેઠળ ખસેડવામાં આવી હતી. આ પ્રેમી પંખીડાઓ એક થવા પોત પોતાના વતનથી ભાગ્યા હતા, પણ કુદરત આ ઘટનાને કરુણ વળાંક આપ્યો હતો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
