Team Chabuk-Gujarat Desk: જૂનાગઢ શહેરના વંથલી તાલુકાના ભાજપ પ્રમુખને ઢીકાપાટુનો માર પડ્યો છે. અહીં પાલિકાના મહિલા સભ્યના પતિ અને તેના પુત્રએ, ‘અમારા પાલિકાના કામમાં કેમ વિરોધ કરો છો? અને કામો કેમ થવા દેતા નથી ? શહેર ભાજપ પ્રમુખમાંથી રાજીનામું આપી દે નહીંતર મારી નાખીશું.’ જેવી ધમકી આપી હતી. હાલ હુમલાખોર પિતા અને પુત્રની વિરૂદ્ધ શહેર ભાજપ પ્રમુખે પોલીસ ફરિયાદ નોંધાવી છે.
વંથલીના ભણાવાવ ચોકમાં વંથલી શહેર ભાજપ પ્રમુખ દિવ્યેશભાઈ જેઠવા ગઈકાલે સવારે રબારીવાડાના નાકા પાસે આવેલ એક દુકાને અખબાર વાંચવા માટે ઊભા હતા. એ સમયે વંથલી નગરપાલિકાના સભ્ય ઝાંઝીબહેનના પતિ રૂડાભાઈ રાણાભાઈ હુણે આવી દિવ્યેશભાઈને કહ્યું હતું કે, અમારા પાલિકાના કામમાં કેમ વિરોધ કરો છો? અને કામો કેમ થવા દેતા નથી ?
દિવ્યેશભાઈએ વળતો જવાબ આપતા કહ્યું હતું કે, હું પાલિકાનો સભ્ય નથી અને હું કામ ક્યાં રોકાવવા આવ્યો. જવાબ સાંભળી રૂડાભાઈ ઉશ્કેરાઈ ગયા હતા અને પ્રમુખને ગાળો ભાંડવા લાગ્યા હતા. દિવ્યેશભાઈએ તેમને ગાળો ન આપવાનું કહ્યું હતું. એ સમયે તેમનો પુત્ર જગદીશ ઉર્ફ જગો પણ ત્યાં આવી પહોંચ્યો હતો અને દિવ્યેશભાઈને ઢીકાપાટુનો માર માર્યો હતો.
દિવ્યેશભાઈ મારા ખાધા બાદ ત્યાંથી જતા હતા ત્યારે પિતા પુત્રએ ધમકીભર્યાં સૂરે કહ્યું હતું કે રાજીનામું આપી દે જે નહિતર પાછો મળીશ ત્યારે જાનથી મારી નાખીશું. હાલ વંથલી તાલુકાના ભાજપ પ્રમુખ દિવ્યેશભાઈએ હુમલાખોર રૂડા અને જગા વિરુદ્ધ ફરિયાદ નોંધાવી છે. પોલીસે વંથલી શહેરમાં ચકચાર જગાવનારી આ ઘટનાની વિરૂદ્ધ આગળની કાર્યવાહી હાથ ધરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
