Team Chabuk-Gujarat Desk: હવામાન વિભાગની આગાહી વચ્ચે રાજ્યના અનેક જિલ્લાઓમાં ધોધમાર વરસાદ વરસી રહ્યો છે. છેલ્લા બે દિવસથી જૂનાગઢ જિલ્લામાં બારે મેઘ ખાંગા થયા છે. અનરાધાર વરસાદના કારણે અનેક ગામો સંપર્ક વિહોણા થયા છે. ઉના ખત્રી વાડા ગામે એક ગર્ભવતી મહિલાને ગામ લોકો અને હેલ્થ કર્મીઓના પ્રયાસોથી મહામહેનતે સારવાર માટે ખસેડવામાં આવી છે. તેજલ બેન પ્રતાપભાઈ રાઠોડ નામના મહિલા ગર્ભવતી હતા. તેમને અચાનક લેબર પેઈન શરુ થયું હતું. જો કે આ વિસ્તારમાં અનરાધાર વરસાદ પડવાને કારણે ગામના તમામ રસ્તાઓ બ્લોક થઈ ગયા હતા. જેને કારણે 108 ગામમાં પ્રવેશી શકે તેમ નહોતી. ખત્રીવાડા ગામને ચારે બાજુથી નદીના પુરે ઘેરી લીધું હતું.
ખત્રીવાડા ગામને ચારે બાજુ રુપેણ નદીનું પાણી હોવાના કારણે તથા નદી ઉપર કોઈ પણ જાતનો પુલ ન હોવાને કારણે તેજલબેન રાઠોડને હોસ્પિટલે ખસેડવામાં મુશ્કેલી પડી રહી હતી. જો કે, આવા ઈમરજન્સીના સમયે ગામના યુવાનો તથા સરપંચ તથા સનખડા ગામના યુવાનો, ઉનાના પીઆઈ તથા પોલીસ સ્ટાફ મળીને ખાટલાની મદદથી 108 એમ્બ્યુલન્સ સુધી પહોંચાડવામાં આવ્યા હતા. 108 કર્મચારી, ઉના પીઆઇ અને પોલીસ ટીમ તેમજ ગામ આખાના યુવાનો દ્વારા રેસ્ક્યુ કરાયું હતું.
રૂપેણ નદીના ધસમસતા પ્રવાહમાં આખા ગામના યુવાનો અને પોલીસ ખડે પગે ઉભા રહી ગયા હતા અને આખરે આ મહિલાને દોરડાં બાંધી ખાટલાની મદદથી બહાર લાવવામાં આવ્યા અને ત્યારબાદ પોલીસે ટ્રેકટરની મદદથી પાણીથી દુર લઈ જવાયા અને 108 મારફતે હોસ્પિટલે ખસેડવામાં આવ્યા હતા.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
