Team Chabuk-Gujarat Desk: હાલ રાજ્યમાં વરસાદી માહોલ જામ્યો છે. ગીર સોમનાથ જિલ્લા પણ મેઘરાજા મહેરબાન બન્યા છે. જિલ્લાના તમામ તાલુકામાં સાર્વત્રિક વરસાદ વરસી રહ્યો છે. જિલ્લાના ઊના તાલુકામાં પણ ગુરુવારે ધોધમાર વરસાદ વરસ્યો અને ઠેર ઠેર પાણી ભરાયું. પાણી ભરાતા લોકોને મુશ્કેલીનો સામનો કરવો પડ્યો પરંતુ આ સમયે એક વ્યક્તિને 8 લાખ રૂપિયા ગુમાવવાનો વારો આવ્યો. જો કે, નગરપાલિકાના ઉપપ્રમુખ ચંદ્રેશ જોષી (રાધે)ની સરાહનીય કામગીરીના કારણે યુવકને રૂપિયા પરત મળી ગયા હતા.
ઊના શહેરના ભાવેશ ભગવાનભાઈ નામના વ્યક્તિ બેંકમાં રૂપિયા જમા કરાવવા જઈ રહ્યા હતા. આ દરમિયાન વરસાદ ચાલુ હોવાથી ગીરગઢડા રોડ પર પાણી ભરાયું હતું. જેમાં કોઈ કારણોસર ભાવેશભાઈની રૂપિયા ભરેલી થેલી પડી ગઈ હતી. ખાડામાં 8 લાખ રૂપિયા પડી જતા ભાવેશભાઈ મુંઝવણમાં મુકાયા હતા. જો પાણીમાં ઉતરે તો જીવ જોખમમાં મુકાય.
આ વાતની જાણ થતા લોકોના ટોળેટોળા એકઠાં થઈ ગયા હતા. ત્યારબાદ વાત નગરપાલિકાના ઉપપ્રમુખ ચંદ્રેશ જોષી પાસે પહોંચી જેઓ તાત્કાલિક ઘટનાસ્થળે પહોંચ્યા અને સ્થિતિનો તાગ મેળવ્યો.
ત્યારબાદ જરા પણ વિલંબ કર્યા વગર ટીકુભાઈ મકવાણા નામના વ્યક્તિને મદદ માટે બોલાવી લીધા. ટીકુભાઈ પોતાનો જીવ જોખમમાં મુક્યો અને ગટરમાં ઉતર્યા. ભારે જહેમત બાદ રૂપિયા ભરેલી થેલી મળી ગઈ. આમ ઊના નગરપાલિકાના ઉપપ્રમુખ ચંદ્રેશ જોશીની સમયસૂચકતા અને ટીકુભાઈની મહેનતે ભાવેશભાઈના 8 લાખ રૂપિયા બચી ગયા. આ કામગીરી બદલ ભાવેશભાઈએ ટીકુભાઈ અને ચંદ્રેશ જોશીનો આભાર માન્યો હતો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
