Team Chabuk-Gujarat desk: રાજ્યમાં નાની ઉંમરે હાર્ટ એટેકના બનાવો સતત વધી રહ્યા છે. વધુ એક યુવકનું નાની ઉંમરે હાર્ટ એટેક આવતા નિધન થયું છે. સુરતના ભટારમાં એક 36 વર્ષીય યુવકનું હાર્ટ એટેકથી મોત થયું હોવાની શક્યતા છે. યુવકને છાતીમાં દુખાવો થતાં દવા લેવા સિવિલ પહોંચ્યો તો ત્યાં જ ઢળી પડ્યો હતો. સારવાર માટે લઇ જવાતા મૃત જાહેર કરાયો હતો. આ ઘટનાને પગલે પરિવારમાં શોકનો માહોલ છવાઇ ગયો છે. ગુરુવારે આ યુવકનો જન્મદિવસ હતો અને આજે (શુક્રવારે) યુવકનું અચાનક મોત થયું છે.
યુવક ડ્રાઇવિંગનું કામ કરતો
યુવક ભરૂચનો રહેવાસી હતો અને ભટાર વિસ્તારમાં આવેલી સોમનાથ સોસાયટીમાં રહેતો હતો. યુવકની ઉંમર 36 વર્ષ હતી. કિરણ રાજેશભાઈ સોલંકી પરિવાર સાથે રહેતો હતો. કિરણના લગ્નને 8 વર્ષ થયા છે અને તેમને કોઈ સંતાન નથી. કિરણ કોન્ટ્રાકટ હેઠળ ઈનકમ ટેક્સ વિભાગમાં કાર ડ્રાઇવિંગનું કામ કરી પરિવારનું ગુજરાન ચલાવતો હતો. તબીબો દ્વારા કિરણને તાત્કાલિક દાખલ કરી સારવાર આપવાની શરૂ કરી હતી. જો કે, તેનું સારવારમાં જ મોત નીપજી ચૂક્યું હતું. જેથી પરિવારમાં શોકનો માહોલ છવાઇ ગયો હતો.
પરિવારજનોએ જણાવ્યું હતું કે, કિરણનું છાતીમાં દુઃખાવા બાદ મોત નીપજ્યું હતું. હાર્ટ એટેક આવ્યો હતો. ગતરોજ જ કિરણનો જન્મદિવસ હતો. આજે કિરણનું અચાનક મોત નીપજ્યું છે. યુવકના મોતથી પરિવાર પર જાણે કે આભ ફાટી પડ્યું છે.
તાજેતાજો ઘાણવો
- 5 દિવસમાં આધારકાર્ડ અપડેટ કરાવી લેજો નહીં તો ચુકવવી પડશે ફી
- રેશનકાર્ડ ધારક ઘરેબેઠાં આ ત્રણ રીતે કરાવી શકશે KYC, જાણો પ્રક્રિયા
- સરકારી નોકરીયાતોને ઘી-કેળા ! આ તારીખથી વધી શકે છે મોંઘવારી ભથ્થુ
- ભરૂચઃ સાપે ડંખ માર્યો તો ભૂવા પાસે લઈ ગયા, ભૂવાએ તાંત્રિકવિધી કરી, બાળકનું મોત
- આધારકાર્ડમાં સરનામું અપડેટ કરાવવા નથી કોઈ દસ્તાવેજની જરૂર, આ છે પ્રક્રિયા
