Team Chabuk-Political Desk: તાજેતરમાં જ તાલુકા-જિલ્લા પંચાયતમાં નવા હોદ્દેદારોની નિમણૂક કરવામાં આવી છે. જેમાંથી એક નામ હાલ ચર્ચાનો વિષય બન્યું છે. આ નામ એટલે અંકિત પરમાર.. અંકિતા પરમાર (ankita parmar) વડોદરા તાલુકા પંચાયતમાં આગામી અઢી વર્ષ માટે પ્રમુખ બન્યા છે. તેમના નામની જાહેરાત થતાં જ સોશિયલ મીડિયા સહિત સમાચાર માધ્યમોમાં તેમના નામની ચર્ચા થવા લાગી. ચર્ચાનું કારણ તેમનો હોદ્દો નહીં પરંતુ તેમની લોકપ્રિયતા અને સુંદરતા છે. અંકિતા પરમાર સોશિયલ મીડિયા પર ખૂબ જ એક્ટિવ રહે છે. રીલ સ્ટાર તરીકે જાણીતા અંકિતા પરમાર ઈન્સ્ટાગ્રામ પર લાખો ફોલોઅર ધરાવે છે.
રીલ સ્ટારને રિયલ લાઈફમાં સમગ્ર તાલુકાની જવાબદારી સોંપાતા તેઓ આકર્ષણનુ કેન્દ્ર બન્યા છે. રીલ સ્ટાર તરીકે જાણીતા નવનિયુક્ત પ્રમુખ અંકિતા પરમારના ઇન્સ્ટાગ્રામ ઉપર 7 લાખ 17 હજાર જેટલા ફોલોઅર્સ છે. જે ભાજપના સ્થાનિક અને પ્રદેશ કક્ષાના ભાજપના પ્રથમ હરોળના હોદ્દેદારો કરતાં વધુ હોવાનું કહેવાય છે.
ભાજપ મોવડી મંડળ દ્વારા વડોદરા તાલુકા પંચાયતના પ્રમુખ પદની જવાબદારી રીલ સ્ટાર તરીકે જાણીતાં અંકિતા પરમારને સોંપવામાં આવી છે. તેઓએ જણાવ્યું હતું કે, હવે મારું ફોકસ તાલુકાની પ્રજાની સેવા કરવાનું છે. ભારતીય જનતા પાર્ટીએ મારા પર ભરોષો રાખ્યો છે તેના માટે હું તેમની આભારી છું.
વડોદરા તાલુકા પંચાયતના પ્રમુખ અંકિતા પરમાર અવારનવાર બોલિવૂડની હિરોઇન જેવી અદાઓવાળી તસવીરો મૂકીને પોતાના ચાહકોનાં દિલ જીતી રહ્યાં છે. તેઓએ પોતાના ઇન્સ્ટાગ્રામ ઉપર હિંદી-ગુજરાતી ગીતો ગાતા રીલ બનાવીને પોતાના સોશિયલ મીડિયા હેન્ડલ ઉપર મૂકેલાં છે. અને પોતાના ઇન્સ્ટાગ્રામ ફોલોઅર્સનાં દિલ જીત્યાં છે. અંકિતા પરમારના પતિ કોલેજમાં ફરજ બજાવે છે અને તેમના સસરાએ સતત 25 વર્ષ સુધી પોર પંચાયતમાં સરપંચ તરીકે સેવા આપી છે. આજે અંકિતા તેમના માર્ગદર્શન પ્રમાણે આગળ વધી રહ્યા છે.
અંકિતા પરમાર અવારનવાર ઈન્સ્ટાગ્રામ પર પોતાની રિલ અપલોડ કરતાં રહે છે. તેમની સુંદરતા અને અભિયન કળાને તેમના ચાહકો પણ વખાણી રહ્યા છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
 વડોદરા તાલુકા પંચાયતમાં આગામી અઢી વર્ષ માટે પ્રમુખ બન્યા છે.){kind=link}