Team Chabuk-Gujarat Desk: ઉત્તર પ્રદેશના મુઝફ્ફરનગરના જનપદના જાનસઠ પોલીસ સ્ટેશનના ક્ષેત્રમાં આવતી આ ઘટના છે. અહીં અહરોડાના પૂર્વ પ્રધાન માંગેરામની ગોળી મારીને હત્યા નિપજાવી નાખવામાં આવી હતી. હત્યા બાદ પેટ્રોલ નાખી તેની લાશ સળગાવી ઓળખ ભૂંસવાનો પ્રયાસ કરવામાં આવ્યો હતો. પોલીસે મૃતદેહને કબ્જે લઈ પોસ્ટમોર્ટમ માટે મોકલી આગળની કાર્યવાહી હાથ ધરી હતી. આ સમગ્ર વારદાતમાં પોલીસે પાંચ લોકોની ધરપકડ કરી હતી.
પોલીસે સોમવારના રોજ આ ઘટનાના મુખ્ય આરોપી ગોવિંદને ભારે મશક્કત બાદ કાટકા ગામના જંગલ વિસ્તારમાંથી પકડી પાડ્યો હતો. જેની પાસેથી પોલીસે એક બંદૂક અને કારતુસ પણ જપ્ત કરેલ છે. જોકે આ સમગ્ર ઘટનામાં હજુ પણ ત્રણ આરોપી ફરાર છે. જેની ધરપકડ માટે પોલીસ દિવસ રાત એક કરી રહી છે.
જણાવી દઈએ કે પોલીસ પૂછપરછમાં જે જાણકારી સામે આવી છે, એ ચોંકાવનારી છે. આ ઘટનાનો માસ્ટરમાઈન્ડ 27 વર્ષીય ગોવિંદ છે. તેણે વીસ વર્ષની લાંબી પ્રતીક્ષા બાદ પિતાના હત્યારાને મોતને ઘાટ ઉતારી બદલો લીધો છે.
આ સમગ્ર વારદાતમાં એસપી અતુલ શ્રીવાસ્તવે કહ્યું હતું કે, ધરપકડ કરવામાં આવેલ ગોવિંદે પૂછપરછમાં જણાવ્યું હતું કે વીસ વર્ષ પહેલા તેના પિતા અજયપાલની હત્યા કરી દેવામાં આવી હતી. મૃતક પૂર્વ પ્રધાન માંગેરામ પણ જેલ ગયો હતો. જેના ચાલતા વીસ વર્ષ બાદ આરોપી ગોવિંદે બદલો લેવા માટે સાથીઓની સાથે મળીને આ હત્યાને અંજામ આપી હતી. આ ઘટનામાં પહેલા કેટલાક આરોપીઓની ધરપકડ કરી લેવામાં આવી હતી હવે બાકી રહેલ આરોપીને પણ પકડી પાડવામાં આવ્યો છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
