Team Chanuk-National Desk: તમિલનાડુના કોયમ્બતુરનો રહેવાસી 21 વર્ષીય સૈનિકેશ રવિચંદ્રન હવે રશિયાની સામે યુદ્ધ લડશે. યુક્રેનમાં યુદ્ધ શરૂ થયા બાદ તે યુક્રેનની સેનામાં સામેલ થઈ ચૂક્યો છે. આ અંગેની માહિતી સૈનિકેશના માતા-પિતાએ આપી હતી. માતા-પિતાને પણ સૈનિકેશના આ પગલાંની ખબર નહોતી. જ્યારે તેમને આ વાતની જાણ થઈ ત્યારે તેમના હોશ ઊડી ગયા હતા.
2018માં સૈનિકેશ અભ્યાસ અર્થે યુક્રેનમાં ગયો હતો. એ ખારકીવમાં નેશનલ એયરોસ્પેસ યુનિવર્સિટીમાં અભ્યાસ કરતો હતો. જુલાઈ 2022માં તેનું ભણતર પૂર્ણ થઈ ગયું. જોકે એ ભારત આવે એ પહેલા જ રશિયાએ યુક્રેન પર હુમલો કરી દીધો.
મીડિયા રિપોર્ટ્સ પ્રમાણે રશિયાના યુક્રેન પર હુમલા બાદ સૈનિકેશનો તેના ઘરથી સંપર્ક તૂટી ગયો હતો. બીજી તરફ ભારત સરકારે ભારતીયોને યુક્રેનમાંથી સુરક્ષિત પરત લાવવા માટે ઓપરેશન ગંગાની શરૂઆત કરી હતી. જોકે સૈનિકેશની કોઈ જાણકારી ન મળવા પર તેના માતા પિતાએ યુક્રેન સ્થિત ભારતીય દૂતાવાસમાં સંપર્ક કર્યો હતો.
દૂતાવાસે જણાવ્યું હતું કે સૈનિકેશ હવે યુક્રેની સેનાનો ભાગ છે અને તેના વતી રશિયા વિરૂદ્ધ યુદ્ધ લડશે. સૈનિકેશના માતા પિતાએ એ પણ જણાવ્યું હતું કે એ ખૂબ પહેલાથી સૈન્યમાં સામેલ થવા ઈચ્છતો હતો. તેણે ભારતીય સૈન્યમાં સામેલ થવા માટે કસોટી પણ આપી હતી, જોકે તે અસ્વીકૃત થયો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
