Team Chabuk-National Desk: પુણેમાં એક છેતરપિંડી કરનારે આઈટીઆઈના વિદ્યાર્થીને તેનો પ્રાઈવેટ વીડિયો વાયરલ કરવાની ધમકી આપી હતી, ત્યારબાદ યુવકે ફાંસી લગાવીને આત્મહત્યા કરી લીધી હતી. છેતરપિંડી કરનાર કથિત રીતે તેને ઓનલાઈન બ્લેકમેઈલ કરતો હતો અને તેણે ખાનગી વીડિયો સોશિયલ મીડિયા પર અપલોડ કરવાની ધમકી આપી હતી. પોલીસે હવે છેતરપિંડી કરનાર સામે ગુનો નોંધ્યો છે.
આપને જણાવી દઈએ કે છેતરપિંડી કરનારે યુવકને પોતાની જાળમાં ફસાવવા માટે વોટ્સએપ પર એક મહિલાની નકલી પ્રોફાઇલ બનાવી હતી, ત્યારબાદ તેણે મૃતક સાથે ચેટ કરી હતી. પોલીસના જણાવ્યા અનુસાર, 30 સપ્ટેમ્બરના રોજ પીડિતનું મોત ધનકવાડીના તાનાજી નગર સ્થિત તેના ઘરે થયું હતું. તપાસમાં ટૂંક સમયમાં જાણવા મળ્યું કે યુવક વોટ્સએપ પર આરોપીના સંપર્કમાં આવ્યો હતો. આ અંગે રવિવારે FIR દાખલ કરવામાં આવી હતી.
“મૃતકે 30 સપ્ટેમ્બરના રોજ લગભગ અઢી કલાક સુધી આરોપી સાથે લાંબી વાતચીત કરી હતી. મૃતક અને આરોપી વચ્ચે ટેક્સ્ટ ચેટ તેમજ વોઈસ કોલ અને વિડીયો કોલ કરવામાં આવ્યા છે. આરોપીએ મૃતકનો અશ્લીલ વિડિયો ઉતાર્યો હતો અને પછી તેને ઈન્સ્ટાગ્રામ, ફેસબુક અને યુટ્યુબ જેવા વિવિધ સોશિયલ મીડિયા પ્લેટફોર્મ પર અપલોડ કરવાની ધમકી આપીને તેની પાસેથી પૈસાની માંગણી કરી હતી.
મૃતક ડરી ગયો અને ફોનપે દ્વારા વિવિધ ઓનલાઈન ટ્રાન્ઝેક્શનમાં આરોપીઓને રૂપિયા 4,500 ટ્રાન્સફર કર્યા. પરંતુ આરોપીએ વધુ પૈસાની માંગણી કરી હતી.બાદમાં પીડિતે આત્મહત્યા કરી લીધી હતી. પોલીસે ભારતીય દંડ સંહિતાની કલમ 306 (આત્મહત્યા માટે ઉશ્કેરણી), 384 (ખંડણી) અને આઈટી એક્ટની કલમો હેઠળ કેસ નોંધ્યો છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
