Team Chabuk-Sports Desk: ભારતીય ક્રિકેટ ટીમના વિકેટકિપર બેટ્સમેન રિષભ પંતનો (Rishabh Pant) આજે સવારે અકસ્માત થયો છે. અકસ્માતમાં રિષભ પંત ગંભીર રીતે ઈજાગ્રસ્ત થયો છે. રિષભ પંત કારમાં ઉત્તરાખંડ જઈ રહ્યો હતો તે દરમિયાન આ અકસ્માત સર્જાયો હતો. પંતની કાર બેકાબૂ થઈને રેલિંગ સાથે ધડાકાભેર અથડાઈ હતી. કાર રેલિંગ સાથે અથડાયા બાદ કારમાં આગ લાગી ગઈ હતી. આ અકસ્માતમાં રિષભ પંતને ગંભીર ઈજાઓ પહોંચી છે.
અકસ્માતમાં ઈજા પહોંચતાં રિષભ પંતને 108ની મદદથી રુરકી સિવિલ હોસ્પિટલમાં ખસેડવામાં આવ્યો હતો. જો કે ત્યારબાદ પંતને દહેરાદુનની મેક્સ હોસ્પિટલમાં ખસેડવામાં આવ્યો હોવાની માહિતી મળી છે. આ અકસ્માત દિલ્હી-દહેરાદુન હાઈવે પર રુરકી બોર્ડર નજીક થયો છે. અકસ્માતમાં કાર બળીને ખાખ થઈ ગઈ છે.
પંતની પ્લાસ્ટિક સર્જરી થશે
ડોક્ટરના જણાવ્યા પ્રમાણે અકસ્માતમાં રિષભ પંતને ગંભીર ઈજાઓ પહોંચી છે. પંતને કપાળ અને પગમાં ઈજા થઈ છે. હોસ્પિટલના અધ્યક્ષ ડૉ. સુશીલ નાગરે જણાવ્યું કે હાલમાં ઋષભ પંતની હાલત સ્થિર છે, તેમને રુરકીથી દિલ્હી ખસેડવામાં આવી રહ્યા છે. ત્યાં તેની પ્લાસ્ટિક સર્જરી કરવામાં આવશે.
રિષભ પંતના અકસ્માત બાદ હોસ્પિટલના કેટલાક ફોટો પણ સામે આવ્યા છે. જેમાં પંતને ગંભીર ઈજા પહોંચી હોવાનું દેખાઈ રહ્યું છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
