Team Chabuk-Sports Desk : પેરિસમાં ચાલી રહેલા ઓલિમ્પિકમાં ભારતીય એથલેટ નીરજ ચોપરાએ સિલ્વર મેડલ જીતીને ઈતિહાસ રચી દીધો છે. નીરજ ચોપરાએ જેવલીન થ્રો ઈવેન્ટમાં સિલ્વર મેડલ જીત્યો છે. નીરજ ચોપરાએ ટોક્યો ઓલિમ્પિકમાં ગોલ્ડ મેડલ જીત્યો હતો અને હવે પેરિસ ઓલિમ્પિક્સમાં સિલ્વર મેડલ જીત્યો છે. આ મેડલ સાથે નીરજ ચોપરા આઝાદ ભારતનો એક એવો એથલીટ બની ગયો છે, જેણે એથલેટિક્સ ઈવેન્ટમાં સતત બે ઓલિમ્પિકમાં મેડલ જીત્યા છે. નીરજ ચોપડાએ 89.45 મીટરના થ્રો સાથે સિલ્વર મેડલ કબજે કર્યો છે. આ ઈવેન્ટમાં ગોલ્ડ મેડલ પાકિસ્તાનના અરશદ નદીમના નામે ગયો છે. નદીમે 92.97 મીટરના થ્રો સાથે ઓલિમ્પિક્સ રેકોર્ડ બનાવી ગોલ્ડ મેડલ કબજે કર્યો છે.
નીરજ ચોપરાએ ટોક્યો બાદ પેરિસ ઓલિમ્પિક્સમાં પણ મેડલ જીતી સૌથી મોટો ઈતિહાસ રચી દીધો છે. નીરજ ચોપરાએ પેરિસમાં સિલ્વર મેડલ કબજે કર્યો છે. નીરજ પીવી સિંધુ બાદ સતત બે ઓલિમ્પિકમાં મેડલ જીતનાર બીજો ભારતીય બની ગયો છે. નીરજે ટોક્યો ઓલિમ્પિક્સમાં ગોલ્ડ તો પેરિસમાં સિલ્વર મેડલ જીત્યો છે. નીરજ ચોપરાએ આ ઈવેન્ટમાં પ્રથમ થ્રો ફાઉન કર્યો હતો. ત્યારબાદ બીજા થ્રોમાં 89.45 મીટર દુર ભાલો ફેંક્યો હતો. જો કે ત્યારબાદના તમામ થ્રો ફાઉલ થયા હતા. આમ 89.45 મીટર દુર ભાલો ફેંકીને નીરજે સિલ્વર મેડલ કબજે કરી લીધો છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
