Homeદે ઘુમા કેપાકિસ્તાનના ખેલાડીઓ પોતે બે હાથે બીરયાની ઝાપટે અને ઓસ્ટ્રેલિયાની ટીમ આવી તો...

પાકિસ્તાનના ખેલાડીઓ પોતે બે હાથે બીરયાની ઝાપટે અને ઓસ્ટ્રેલિયાની ટીમ આવી તો દાળ અને રોટલી આપી….!

Team Chabuk-Sports Desk: કરાંચીના નેશનલ સ્ટેડિયમમાં પાકિસ્તાન અને મહેમાન ઓસ્ટ્રેલિયાની વચ્ચે બે ટેસ્ટ મેચનો બીજો મુકાબલો રમાઈ રહ્યો છે. પ્રથમ ટેસ્ટ મેચ રાવલપીંડીની ખરાબ પીચના કારણે ધોવાઈ ગઈ હતી. જેની ક્રિકેટ પ્રશંસકોએ આકરા શબ્દોમાં ટીકા કરી હતી. બીજી ટેસ્ટ મેચ પૂર્વે ઓસ્ટ્રેલિયાનો ખેલાડી માર્નસ લાબુશેન સમાચારોમાં ચમકી ગયો છે.

માર્નસ લાબુશેને પોતાના સોશિયલ મીડિયા એકાઉન્ટમાં એક તસવીર પોસ્ટ કરી છે. જે થોડા સમયમાં જ સોશિયલ મીડિયા પર વાઈરલ થઈ ગઈ હતી અને પાકિસ્તાનની ફજેતી થઈ હતી. માર્નસ લાબુશેને ઈન્સ્ટા સ્ટોરી શેર કરતા લખ્યું છે કે, ‘લંચ માટે દાળ અને રોટલી.’

માર્નસ લાબુશેન દ્વારા શેયર કરવામાં આવેલી તસવીરમાં એક યુઝરે કોમેન્ટ કરતા લખ્યું છે કે શું તમે જેલમાં છો? અન્ય એક યુઝરે લખ્યું છે કે, દાળ ઓછી અને દવાખાનાની ખીચડી વધારે લાગી રહી છે. એક અન્ય યુઝરે લખ્યું છે કે આશા રાખું છું કે આપ હજુ જીવિત છો.

ઈંગ્લેન્ડના બેટ્સમેન એલેક્સ હેલ્સે થોડા સમય પહેલા પીએસએલમાં મળનારા ભોજનની તસવીર પોસ્ટ કરી હતી. એલેક્સ હેલ્સે જે તસવીર પોસ્ટ કરી હતી તેમાં ઈંડાની ગુણવત્તા કંઈક વધારે જ ખરાબ હતી અને ટોસ પણ સૂકાયેલા હતા. એલેક્સની તસવીર પણ ખૂબ વાઈરલ થયેલી.

ઓસ્ટ્રેલિયાની ટીમ 24 વર્ષ બાદ પાકિસ્તાનના પ્રવાસ પર છે. ઓસ્ટ્રેલિયાની ટીમને અહીં ત્રણ ટેસ્ટ, ત્રણ વનડે અને એક ટી ટ્વેન્ટી મેચ રમવાનો છે.  રાવલપીંડીની ટેસ્ટ મેચ ડ્રો થઈ ચૂકી છે. જેમાં મહત્વનો ભાગ પાકિસ્તાનની પીચે ભજવ્યો હતો.

તાજેતાજો ઘાણવો

LEAVE A REPLY

Please enter your comment!
Please enter your name here

Most Popular

Recent Comments