Team Chabuk-National Desk: કોઈ વખત પૈસાની આવશ્યકતા હોય અને ત્યારે જ એવું થતું હોય છે કે જે પણ એટીએમમાં (ATM) જાવ ત્યાં પૈસા ઉપલબ્ધ ન હોય. ઉપરથી બેંકો દ્વારા એટીએમ કાર્ડના મહત્તમ ઉપયોગ પર પણ પૈસા વસૂલ કરવામાં આવે છે. કેટલીક વખત એટીએમ સંલગ્ન બેંકની નબળી કાર્યપ્રણાલીના કારણે સુઘડ વ્યવસ્થા ધરાવતું એટીએમ માત્ર શોભાના ગાંઠીયા સમાન હોય છે, તેમાં પૈસા હોતા નથી. જે સમસ્યામાંથી હવે જનતાને એક ઓક્ટોબરથી છૂટકારો મળવાનો છે.
આરબીઆઈ દ્વારા નિર્ણય લેવામાં આવ્યો છે કે એટીએમમાં સમય પૂર્વે રૂપિયા ન નાખનારી બેંકોને દસ હજાર રૂપિયાનો દંડ ફટકારવામાં આવશે. એટીએમમાં પૈસા ન હોવાના કારણે લોકો જે હાલાકીનો સામનો કરે છે, તે સમસ્યામાંથી છૂટકારો અપાવશે. આરબીઆઈએ કહ્યું હતું કે, કોઈ એટીએમમાં જો દસ કલાક સુધી રૂપિયા ન રહ્યા તો તેની પર સંબંધિત દંડની કાર્યવાહી કરવામાં આવશે.
આ વિષય અંતર્ગત એક પરિપત્રમાં આરબીઆઈએ કહ્યું કે, એટીએમમાં પૈસા ન નાખવાને લઈને જુર્માનો લગાવવાની વ્યવસ્થાનો ઉદ્દેશ્ય એ સુનિશ્ચિત કરવાનું છે કે લોકોની સુવિધા માટે આ મશીનોમાં પર્યાપ્ત માત્રામાં ધનરાશિ ઉપલબ્ધ હોય. કોઈ પણ એટીએમમાં જો મહિનામાં દસ કલાકથી વધારે સમય સુધી પૈસા ઉપલબ્ધ નહીં હોય તો જે તે બેંકની ઉપર 10,000 રૂપિયાનો જુર્માનો લાગશે.
આ અંગે રિઝર્વ બેંકે કહ્યું કે, આ નિર્ણય એટલા માટે લેવામાં આવ્યો છે કે જેથી બેંક અથવા તો વ્હાઈટલેબલ એટીએમ સંચાલક સુનિશ્ચિત કરશે કે એટીએમમાં પૈસા સમયસર નાખવામાં આવે. જેથી લોકોને પરેશાનીનો સામનો ન કરવો પડે. વ્હાઈટ લેબલ એટીએમના કિસ્સામાં દંડ એ બેંક પર લગાવવામાં આવશે, જે સંબંધિત એટીએમમાં પૈસા નાખે છે.
જણાવી દઈએ કે, દંડની આ કાર્યવાહી એક ઓક્ટોબરનાં રોજથી શરૂ થઈ જશે. આરબીઆઈમાં રહેલા ઈશ્યુ ડિપાર્ટમેન્ટના ઓફિસ ઈનચાર્જના હાથમાં દંડ ફટકારવાની સત્તા હશે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
