Team Chabuk-Sports Desk: ભારતીય બેડમિન્ટન ટીમે આજે એક નવો ઈતિહાસ રચી દીધો છે. બેડમિન્ટન ટીમની આ સિદ્ધિથી ભારતનો ડંકો વિશ્વમાં વાગ્યો છે. સૌથી મહત્વની ગણાતી બેડમિન્ટન ટુર્નામેન્ટ થોમસ કપની ફાઈનલમાં ભારતીય બેડમિન્ટન ટીમે ઈન્ડોનેશિયાને હરાવીને ટુર્નામેન્ટ જીતી લીધી છે. 14 વખતની ચેમ્પિયન ટીમ ઈન્ડોનેશિયાને ભારતીય ટીમે 3-0થી હરાવીને થોમસ કપની ફાઈનલ જીતી લીધી છે.
આ ટૂર્નામેન્ટના 73 વર્ષના ઈતિહાસમાં પ્રથમ વખત ભારત થોમસ કપની ફાઈનલ સુધી પહોંચ્યું હતું. ભારતે આ મેચ બેસ્ટ ઓફ 5 ફોર્મેટમાં 3-0થી જીતી લીધી છે. ભારતે સિંગલ્સ, ડબલ્સ પછી બીજી સિંગલ્સમાં પણ જીત મેળવી હતી. જેમાં કિંદામ્બી શ્રીકાંતે જોનાથન ક્રિસ્ટીને 21-15, 23-21થી હરાવ્યો હતો.
Oh my goddddddd. Incredible Incredible Team India 🇮🇳🇮🇳🇮🇳🇮🇳💪🏽💪🏽💪🏽💪🏽🧡🤍💚.. @srikidambi @lakshya_sen @Shettychirag04 @satwiksairaj @PRANNOYHSPRI @dhruvkapilaa @arjunmr #ThomasUberCup2022 pic.twitter.com/Oc79N4nru4
— Rohan Bopanna (@rohanbopanna) May 15, 2022
અગાઉ ફાઈનલની બીજી મેચમાં સિંગલ્સ જીત્યા પછી ડબલ્સ મેચ જીતી. ચિરાગ શેટ્ટી અને સાત્વિક સાઈરાજ રંકી રેડ્ડીની ભારતીય જોડીએ પહેલી મેચ ગુમાવી પછી બીજી અને ત્રીજી મેચ જીતી લીધી હતી.
થોમસ કપ વિજેતા ભારતીય ટીમને દેશના વડાપ્રધાન નરેન્દ્ર મોદીએ પણ શુભેચ્છા પાઠવી છે.
The Indian badminton team has scripted history! The entire nation is elated by India winning the Thomas Cup! Congratulations to our accomplished team and best wishes to them for their future endeavours. This win will motivate so many upcoming sportspersons.
— Narendra Modi (@narendramodi) May 15, 2022
ફાઈનલ સુધીની સફર
થોમસ કપમાં ભારતીય ટીમની ફાઈનલ સુધીની સફર શાનદાર રહી. ભારતીય ટીમને ફાઈનલના પ્રવાસમાં ગ્રૂપ સ્ટેજની મેચમાં ચાઈનીઝ તાઈપેઈ સામે એકમાત્ર હાર મળી હતી. ભારતીય ટીમે ગ્રુપ સ્ટેજની મેચમાં જર્મનીને 5-0થી હરાવ્યું હતું. કેનેડાને 5-0થી હરાવ્યું હતું. જો કે ચીની તાઈપેઈ સામે 2-3થી હારનો સામનો કરવો પડ્યો હતો. ભારતે ક્વાર્ટર ફાઇનલમાં 5 વખતની ચેમ્પિયન ટીમ મલેશિયાને હરાવ્યું હતું. જ્યારે સેમીફાઇનલમાં 32 વખત અંતિમ ચરણ રમનારી ડેનમાર્ક જેવી ટીમને હરાવી હતી.
વિજેતા ટીમને 1 કરોડનું ઈનામ આપશે સરકાર
આ સાથે જ રમતગમત મંત્રાલય તરફથી થોમસ કપ વિજેતા ટીમને 1 કરોડ રૂપિયાનું ઈનામ આપવાની જાહેરાત કરવામાં આવી છે. કેન્દ્રીય રમત-ગમત મંત્રી અનુરાગ ઠાકુરે આ જાહેરાત કરી છે. આ સાથે જ તેમણે પણ ટીમના તમામ ખેલાડીઓને થોમસ કપની ફાઈનલમાં શાનદાર જીત બદલ અભિનંદન પાઠવ્યાં છે.
As #TeamIndia defeats 14-time #ThomasCup Champions Indonesia (🇮🇳3-0🇮🇩) to win its 1️⃣st ever #ThomasCup2022, @IndiaSports is proud to announce a cash award of ₹ 1 crore for the team in relaxation of rules to acknowledge this unparalleled feat!
— Anurag Thakur (@ianuragthakur) May 15, 2022
Congratulations Team India!! https://t.co/QMVCvBDDZS
થોમસ કપ અગાઉ ત્રણ વર્ષે યોજવામાં આવતો હતો પરંતુ 1982માં ફોર્મેટમાં ફેરફાર પછી તેનું આયોજન બે વર્ષે કરવામાં આવે છે. થોમસ કપને મેન્સ વર્લ્ડ ટીમ ચેમ્પિયનશિપ તરીકે પણ ઓળખવામાં આવે છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
