Team Chabuk- Sports Desk: નરેન્દ્ર મોદી સ્ટેડિયમમાં રમાયેલી સિરીઝની ચોથી ટેસ્ટ મેચ ભારતે 1 ઈનિંગ અને 25 રને જીતી લીધી છે. ઈંગ્લેન્ડની ટીમ માત્ર 135 રનમાં ઓલઆઉટ થઈ ગઈ હતી. મેચની સાથે ટીમ ઈન્ડિયાએ સિરીઝ પણ 3-1થી પોતાના નામે કરી લીધી છે. આ સાથે જ ટીમ ઈન્ડિયા ICC વર્લ્ડ ટેસ્ટ ચેમ્પિયનશીપની ફાઈનલમાં પણ પહોંચી ગઈ છે. 18મી જૂને લોર્ડ્સના મેદાનમાં ભારત અને ન્યૂઝિલેન્ડ ICC વર્લ્ડ ટેસ્ટ ચેમ્પિયનશીપની ફાઈનલમાં ટકરાશે.
C.H.A.M.P.I.O.N.S! 🏆 👏 🇮🇳#TeamIndia @Paytm #INDvENG pic.twitter.com/i4KWDxx2Ml
— BCCI (@BCCI) March 6, 2021
ભારતનું શ્રેષ્ઠ પ્રદર્શન
ICC વર્લ્ડ ટેસ્ટ ચેમ્પિયનશિપમાં ભારત સૌથી સફળ રહ્યું છે. ભારતે 21માંથી સૌથી વધારે 12 મેચ જીતી છે. ઈંગ્લેન્ડ 11 જીત સાથે બીજા નંબરે રહી. ટીમ ઈન્ડિયાએ ટૂર્નામેન્ટમાં 6 સિરીઝમાંથી 5 જીતી છે. એકમાં ન્યૂઝીલેન્ડ સામે હાર મળી છે.
‘A’ સામે ધ્વસ્ત અંગ્રજી ટીમ
ભારત તરફથી અક્ષર પટેલ અને આર.અશ્વિને અંગ્રેજ ટીમના ખેલાડીઓને પીચ પર ટકવાનો મોકો ન આપ્યો. અક્ષર પટેલ અને આર.અશ્વિને ઈનિંગમાં પાંચ-પાંચ વિકેટ લીધી હતી.
ઈંગ્લેન્ડના બેટ્સમેન ભારતીય બોલર્સ સામે ટકી ન શક્યા. ઈંગ્લેન્ડના સાત બેટ્સમેન તો ડબલ ડિજિટ સુધી પણ પહોંચી શક્યા ન હતા. ઈંગ્લેન્ડના સલામી બેટ્સમેન ઝેક ક્રોલી અને ડી સિબ્લે અનુ ક્રમે 5 અને 3 રન બનાવી પવેલિયન પરત ફર્યા હતા. આક્ષરની આ ઈનિંગમાં પણ પાંચ વિકેટથી તે સતત પાંચ ઈનિંગમાં ચાર કે તેથી વધુ વિકેટ લેનારો બોલર બની ગયો છે.
Another Test, another five-wicket haul 👏👏@akshar2026 scalps his 5th wicket of the innings as England lose their 8⃣th wicket. 👌👌@Paytm #INDvENG #TeamIndia
— BCCI (@BCCI) March 6, 2021
Follow the match 👉 https://t.co/9KnAXjaKfb pic.twitter.com/z8aGWHLPvj
અશ્વિનની વધુ એક સિદ્ધી
આર.અશ્વિને પણ વધુ પાંચ વિકેટ લઈ વધુ એક સિદ્ધિ પોતાના નામે નોંધાવી લીધી છે. આર.અશ્વિન પહેલો એવો બોલર બન્યો છે જેણે ટેસ્ટ સિરીઝમાં બે વાર 30થી વધુ વિકેટ લીધી હોય. અશ્વિને આ સિરીઝમાં કુલ 31 વિકેટ ઝડપી છે.
Life lessons, courtesy @ashwinravi99 👍👍#TeamIndia @Paytm #INDvENG pic.twitter.com/hDOQbgkUMF
— BCCI (@BCCI) March 6, 2021
ઈંગ્લેન્ડનું પ્રદર્શન શરૂઆતથી જ નબળુ
ઈંગ્લેન્ડની પ્રથમ ઈનિંગ ખરાબ રહી હતી. ઈંગ્લેન્ડના 205 રનની સામે ભારતે 365 રન ફટકાર્યા હતા. ભારતીય ટીમ માટે પ્રથમ ઇનિંગ્સમાં ઋષભ પંતે 101, વોશિંગ્ટન સુંદરે અણનમ 96, રોહિત શર્માએ 49 અને અક્ષર પટેલે 43 રન બનાવ્યા હતા.
જ્યારે, ઇંગ્લેન્ડ તરફથી બેન સ્ટોક્સે સૌથી વધુ 4 વિકેટ ઝડપી છે. આ સિવાય જેમ્સ એન્ડરસનને 3 અને જેક લીચે 2 વિકેટ લીધી હતી. સુંદરે ટેસ્ટમાં તેનો શ્રેષ્ઠ સ્કોર બનાવ્યો છે. આ પહેલા તેણે આ જ સિરીઝની ચેન્નઈ ટેસ્ટમાં અણનમ 85 રન બનાવ્યા હતા.
વોશિંગ્ટન સુંદર પહેલી સદી ચુક્યો
આ પહેલાં વોશિંગ્ટન સુંદર માત્ર ચાર રને શતક ચુકી ગયો હતો. 174 બોલમાં સુંદરે 96 રન બનાવ્યા હતા. ભારતીય ટીમની છેલ્લી ત્રણ વિકેટ ઝડપથી પડી જતાં સુંદરને નુકસાન થયું હતુ. ભારતે છેલ્લી 3 વિકેટ માત્ર પાંચ બોલમાં ગુમાવી દીધી હતી. શતકથી ચુકી જતાં સુંદર નિરાશ થયો હતો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
