ઉદ્યોગપતિ મુકેશ અંબાણીની દીકરી ઈશા અંબાણીએ ટ્વિન્સ બાળકોને જન્મ આપ્યો, જાણો શું નામ રાખ્યા ?

Team Chabuk-National Desk: રિલાયન્સ ઇન્ડસ્ટ્રીના ચેરમેન મુકેશ અંબાણી નાના બની ગયા છે. મુકેશ અંબાણીની દીકરી ઈશા અંબાણી અને તેમના પતિ આનંદ પિરામલ ટ્વીન બાળકોના માતા-પિતા બન્યા છે. ઈશા અંબાણીએ 19 નવેમ્બરના રોજ ટ્વીન્સ બાળકોને જન્મ આપ્યો છે. આ અંગે અંબાણી અને પિરામલ પરીવારે જોઈન્ટ સ્ટેટમેન્ટ આપીને જાણકારી આપી હતી. ઉદ્યોગપતિ મુકેશ અંબાણીની દીકરી ઈશા અંબાણીએ ટ્વિન્સ બાળકોને જન્મ આપ્યો છે. પરિવારે દીકરીનું નામ આદિયા અને દીકરાનું નામ ક્રૃષ્ણા પાડ્યું છે.

સંયુક્ત મીડિયા નિવેદનમાં જણાવાયું હતું

મુકેશ અને નીતા અંબાણીની સાથે ઈશા અંબાણીના પતિ આનંદ પિરામલના માતા-પિતા અજય અને સ્વાતિ પિરામલ દ્વારા જાહેર કરાયેલા સંયુક્ત મીડિયા નિવેદનમાં જણાવ્યું હતું કે તેઓ જોડિયા બાળકોના જન્મની જાહેરાત કરતા અત્યંત ખુશ છે અને તેઓ બધા ખૂબ જ ખુશ છે. આશીર્વાદની રાહ જોઈ રહ્યા છીએ. આ તેમના જીવનનો સૌથી મહત્વપૂર્ણ તબક્કો છે.

વર્ષ 2018 માં, ઈશા અંબાણીએ હેલ્થકેર બિઝનેસ ગ્રુપ પિરામલના માલિક અજય પિરામલના પુત્ર આનંદ પિરામલ સાથે લગ્ન કર્યા. તેમના લગ્ન દેશના સૌથી મોંઘા લગ્નોની યાદીમાં સામેલ છે, જેમાં દેશ, બોલિવૂડ અને દુનિયાભરની અનેક પ્રતિષ્ઠિત હસ્તીઓ સામેલ થઈ હતી.

ઈશા અંબાણી રિલાયન્સ રિટેલ વેન્ચર્સની ડિરેક્ટર છે

મુકેશ અંબાણીની એકમાત્ર પુત્રી ઈશા અંબાણીને હાલમાં જ રિલાયન્સ રિટેલ વેન્ચર્સની ડિરેક્ટર બનાવવામાં આવી છે. મુકેશ અંબાણીના ત્રણ સંતાનોમાં ઈશા અંબાણી સૌથી મોટી છે. તેણે અમેરિકાની યેલ યુનિવર્સિટીમાંથી સાયકોલોજીમાં ગ્રેજ્યુએશનની ડિગ્રી મેળવી છે. તે જ સમયે, તેણે સ્ટેનફોર્ડ, કેલિફોર્નિયાથી બિઝનેસમાં MBA નો અભ્યાસ કર્યો છે.

મુકેશ અંબાણી અને નિતા અંબાણીની દીકરી ઈશા અંબાણીના લગ્ન 12 ડિસેમ્બરના રોજ આનંદ પિરામલ સાથે થયા હતા. ઈશા અંબાણીના લગ્ન દુનિયાના સૌથી મોંઘા લગ્નમાં સામેલ હતા. ઈશા અંબાણીના લગ્નમાં મહેંદી સંગીત સેરેમનીમાં દેશ-વિદેશની જાણીતી હસ્તીઓ સામેલ થઈ હતી. લગ્ન પહેલાની તમામ ઈવેન્ટ ઉદયપુરમાં આયોજન કરવામાં આવ્યું હતું. આ મોંઘેરા લગ્નમાં દેશ વિદેશની અનેક મહાન હસ્તીઓ સામેલ થઈ હતી.

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત