Team Chabuk-International Desk: વિશ્વની નામાંકિત ઈ-કોમર્સ કંપની એમેઝોનના ફાઉન્ડર જેફ બેજોસે (Jeff Bezos) 10 મિનિટની અંતરિક્ષ યાત્રા કરીને ઇતિહાસ રચી દીધો છે. જેફ બેજોસની સ્પેસ કંપની બ્લૂ ઓરિજિન (Blue Origin)નું રોકેટ ન્યૂ શેફર્ડ (new Shepard) ચાર યાત્રિકો સાથે અંતરિક્ષની સુરક્ષિત યાત્રા કરીને પરત આવી ગયું છે. ભારતીય સમય મુજબ આજે સાંજે 6.45 વાગ્યે વેસ્ટ ટેક્સાસની બ્લૂ ઓરિજિન લોન્ચ સાઈટ પરથી આ અંતરિક્ષ યાત્રા શરૂ થઈ હતી. આ યાત્રામાં જેફ બેજોસ સહિત ચાર યાત્રિ સામેલ હતા. ચારેય અંતરિક્ષ યાત્રિકોએ ઝીરો ગ્રેવિટીનો આનંદ લીધો અને 10 મિનિટ બાદ 6.52 મિનિટે તેઓ ધરતી પર સુરક્ષિત રીતે પહોંચી ગયા છે.
Key Mission Stats from #NSFirstHumanFlight:
— Blue Origin (@blueorigin) July 20, 2021
Crew capsule apogee: 347,563 ft AGL / 351,210 ft MSL (105 km AGL / 107 km MSL)
Booster apogee: 347,188 ft AGL / 350,835 ft MSL (105 km AGL / 106 km MSL)
Elapsed mission time: 10:10
Max ascent velocity: 2,233 mph (3,595 km/h)
6.50 વાગ્યે રોકેટનો પ્રથમ હિસ્સો સફળતાપૂર્વક ધરતી પર પરત ફર્યો હતો ત્યાર બાદ બે મિનિટ પછી કેપ્સૂલ પણ સુરક્ષિત રીતે લેન્ડ થયું હતું. અંતરિક્ષની આ યાત્રામાં એમેઝોનના ફાઉન્ડર જેફ બેજોસ, તેમના ભાઈ માર્ક, 82 વર્ષના વેલી ફંક અને 18 વર્ષના ઓલિવર ડેમેન સામેલ હતા. જેફ બેજોસ અને તેમની ટીમ જે રોકેટ શિપથી અંતરિક્ષમાં ગયા હતા તે ઓટોનોમસ હતું એટલે કે તેમાં પાયલટની જરૂરિયાત રહેતી નથી. આ રોકેટ શિપના કેપ્સૂલમાં 6 સીટ હોય છે. પરંતુ આ યાત્રામાં ચાર યાત્રિકો જ હતા.
WATCH LIVE: @ABCNewsLive breaks down Jeff Bezos' successful mission to space. https://t.co/EDgxlHSmCd
— ABC News (@ABC) July 20, 2021
ન્યૂ શેફર્ડ નામના આ રોકેટની અત્યાર સુધીમાં કૂલ 15 ફ્લાઈટ્સ સફળ રહી છે. પરંતુ અત્યાર સુધી તેમાં કોઈ યાત્રિકે સફર કરી નહતી. અંતરિક્ષમાં જવા માટે 20 જુલાઈનો દિવસ પસંદ કરવા પાછળ પણ એક ખાસ કારણ માનવામાં આવે છે. જેફ બેજોસે આ દિવસ એટલા માટે પસંદ કર્યો કેમ કે, એપોલો 11 સ્પેસશિપ મારફતે નીલ આર્મસ્ટ્રોંગ અને બઝ એલ્ડ્રિન આજથી 52 વર્ષ પહેલા 1969માં ચંદ્ર પર પહોંચ્યા હતા.
જેફ બેજોસની સ્પેસ કંપની બ્લૂ ઓરિજિને રવિવારે કહ્યું હતું કે, તેમની કંપનીની પ્રથમ હ્યુમન સ્પેસ ફ્લાઈટ અંતરિક્ષમાં જવા માટે તૈયાર છે. આ યાત્રિકો પૃથ્વીની સપાટીથી 100 કિલોમીટર ઉપર કારમન લાઈન સુધી જશે અને ત્યારબાદ સુરક્ષિત પરત ફરશે. આ સંપૂર્ણ યાત્રાનો સમય 10 થી 12 મિનિટનો રહેશે.
જેફ બેજોસની આ અંતરિક્ષ યાત્રાએ ઇતિહાસ રચી દીધો છે. બ્લૂ ઓરિજિનની પ્રથમ પાયલટ વગરની સબઓર્બિટલ ફ્લાઈટ બની ગઈ છે, જેમાં સામાન્ય નાગરિક સવાર થઈને અંતરિક્ષમાં પહોંચ્યા છે. આ અંતરિક્ષ યાત્રાથી સૌથી વૃદ્ધ અને સૌથી નાની વયના અંતરિક્ષયાત્રીનો પણ રેકોર્ડ બની ગયો છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
