Team Chabuk-Gujarat Desk: પોલીસ પકડથી દુર રહેવા માટે બુટલેગરો નીતનવા કીમિયા અપનાવતા હોય છે. દારૂની હેરાફેરીમાં બુટલેગરો ભલભલાને ચક્કર ખવડાવે તેવી જગ્યાએ દારૂ છુપાવી દેતા હોય છે. ત્યારે રાજકોટમાંથી આવો જ એક બનાવ સામે આવ્યો છે. ટ્રેકટરના ટ્રેલરમાં દેશી છાણીયા ખાતરની નીચે છુપાવીને લઈ જવાઈ રહેલો દારૂનો મોટો જથ્થો પોલીસે ઝડપી પાડ્યો છે. રાજકોટ ક્રાઈમ બ્રાંચે ચોક્કસ બાતમીના આધારે વિદેશી દારૂની 960 બોટલ જપ્ત કરી છે.
રાજકોટ ક્રાઇમ બ્રાન્ચના PI બી.ટી.ગોહિલ તેમજ ASI બલભદ્રસિંહ જાડેજા સહિત ટીમ પેટ્રોલિંગમાં હતી તે દરમિયાન તેઓને ચોક્કસ બાતમી મળી હતી કે, રાજકોટ-મોરબી રોડ પર રતનપર ગામ નજીક હાઇ-વે પર એક વ્યક્તિ નંબર પ્લેટ વગરના ટ્રેકટરમાં ખાતર ભરીને નીકળશે, જેમાં ખાતરની આડમાં દારૂ છુપાવેલ છે. જેથી ચોક્કસ બાતમીવાળું ટ્રેકટર નીકળતા તેને અટકાવી તપાસ કરતાં ખાતરની નીચે વિદેશી દારૂનો મોટો જથ્થો મળી આવ્યો હતો.
પોલીસે ટ્રેકટર સહિત ચાલકને અટકાવી ક્રાઇમ બ્રાન્ચ લઇ જઈને પૂછપરછ કરતા ટ્રેકટરમાં ખાતરની આડમાં દારૂ છુપાવેલો મળી આવ્યો હતો. ટ્રેક્ટરના ટ્રેલરમાં કુલ 960 બોટલ એટલે કે કુલ 80 પેટી વિદેશી દારૂ જથ્થો મળી આવ્યો હતો. પોલીસે દારૂના જથ્થા સાથે ટ્રેકટર સહિત કુલ 10.82 લાખનો મુદ્દામાલ કબ્જે કરી આરોપી અનવરખાન ઉર્ફે અનિલ મીર (ઉ.વ.26)ની ધરપકડ કરી કાયદેસરની કાર્યવાહી હાથ ધરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
