Team Chabuk-Sports Desk: ઈન્ડિયન પ્રીમિયર લીગમાં મંગળવારે રાત્રે રસાકરસી ભર્યા મેચમાં અંતિમ ઓવરમાં રાજસ્થાન રોયલ્સે કિંગ્સ ઈલેવન પંજાબને પરાજય આપ્યો હતો. દિલધડક મુકાબલમાં સંજુ સેમસનની કેપ્ટનશીપ તો કામ કરી ગઈ પણ તેને આ જીત માટે ખૂબ મોટી કિંમત ચૂકવવી પડી હતી. રાજસ્થાનને સ્લો ઓવર રેટના ચાલતા કેપ્ટન સેમસન પર બાર લાખ રૂપિયાનો દંડ ફટકારવામાં આવ્યો છે.
નિયમો પ્રમાણે 90 મિનિટની અંદર અંદર વીસ ઓવર ફેંકવાના હોય છે. જેમાં બે સ્ટ્રેટજીક ટાઈમ આઉટનો પણ સમાવેશ થાય છે. જેની સમયમર્યાદા દોઢ મિનિટની હોય છે. રાજસ્થાન રોયલ દ્વારા આ પહેલી વખત થયું કે તેને 12 લાખ રૂપિયાનો દંડ ફટકારવામાં આવ્યો હોય. જો આ જ ભૂલનું પુનરાવર્તન થાય છે, તો 12 લાખની જગ્યાએ 24 લાખ રૂપિયા ભરવાના હોય છે. જો આગામી મેચમાં પણ કેપ્ટન મર્યાદિત સમયમાં ઓવર પૂર્ણ નથી કરાવી શકતા તો તેમના પર એક મેચનો પ્રતિબંધ લગાવી દેવામાં આવે છે. સાથે જ 24ની જગ્યાએ દંડની રકમમાં વૃદ્ધિ થતાં 30 લાખની થઈ જાય છે.
સ્લો ઓવર રેટ માટે માત્ર કેપ્ટન જવાબદાર નથી હોતો, એટલે આખી ટીમ પર ફાઈન લગાવવાનો પણ અલગથી નિયમ છે. બીજી ભૂલમાં ટીમના દરેક ખેલાડીને છ-છ લાખ અથવા તો 25 ટકા મેચ ફી, જે ઓછું હોય તેમાંથી એક વસૂલવામાં આવે છે. આ રીતે જ ત્રીજી ભૂલ થાય તો 50 ટકા મેચ ફી અને 12 લાખ રૂપિયા ભરવા પડે છે.
મેચની વાત કરીએ તો કાર્તિક ત્યાગીએ 29 રનમાં બે વિકેટ લઈ મેજીકલ સ્પેલ દ્વારા કિંગ્સ ઈલેવનની ટીમને ઘૂંટણીયે લાવીને રાખી દીધી હતી. રાજસ્થાન રોયલ્સે અંતિમ બોલમાં આ મેચ પોતાના નામે કર્યો હતો. 186 રનના લક્ષ્યાંકનો પીછો કરવા માટે ઉતરેલી પંજાબની ટીમ એક સમયે લક્ષ્યાંક સુધી પહોંચી જશે તેવું લાગી રહ્યું હતું.અંતિમ ઓવરમાં ટીમને માત્ર ચાર રનની આવશ્યકતા હતી અને આઠ વિકેટ પણ ખાતામાં બાકી હતી. જોકે 21 વર્ષીય યુવા બોલર કાર્તિક ત્યાગીએ પંજાબની ટીમના મનસૂબા પર પાણી ફેરવીને રાખી દીધું હતું. આ જીતના કારણે રાજસ્થાન હાલ પોંઈન્ટ ટેબલ પર પાંચમાં સ્થાન પર છે. પ્રથમ સ્થાન પર ચૈન્નઈ સુપર કિંગ્સ છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
