Team Chabuk-National Desk: રિલાયન્સ ઇન્ડસ્ટ્રીઝે 2021-22 નાણાકીય વર્ષના ચોથા ક્વાર્ટરના નાણાકીય પરિણામો જાહેર કર્યા છે. ચોથા ક્વાર્ટરમાં રિલાયન્સ ઈન્ડસ્ટ્રીઝના ચોખ્ખા નફામાં 22.50 ટકાનો વધારો નોંધાયો છે. કંપનીએ સ્ટોક એક્સચેન્જને માહિતી આપી છે કે, જાન્યુઆરી-માર્ચ મહિનામાં કંપનીનો ચોખ્ખો નફો રૂ.16,203 કરોડ હતો, જે 2020-21માં જાન્યુઆરી- માર્ચ મહિનામાં રૂ. 13,227 કરોડ હતો. એટલે કે 2021-22માં કંપનીનો નફો વધ્યો છે.
રિલાયન્સ ઇન્ડસ્ટ્રીઝની કામગીરીમાંથી આવક 36.79 ટકા વધીને રૂ.2,11,887 કરોડ થઈ છે, જે ગયા વર્ષના સમાન ક્વાર્ટરમાં રૂ.1,54,896 કરોડ હતી. કંપનીના બોર્ડે શેર દીઠ રૂ. 8ના ડિવિડન્ડની પણ જાહેરાત કરી છે.
સમગ્ર નાણાકીય વર્ષ માટે રિલાયન્સ ઈન્ડસ્ટ્રીઝની આવક 7.92 લાખ કરોડ રૂપિયા એટલે કે 104.6 બિલિયન ડોલર રહી છે. રિલાયન્સ ઇન્ડસ્ટ્રીઝ 100 બિલિયન ડોલરથી વધુની આવક પ્રાપ્ત કરનારી પ્રથમ ભારતીય કંપની બની છે. આ સાથે રિલાયન્સે સમગ્ર નાણાકીય વર્ષમાં રૂ.67,845 કરોડનો નફો કર્યો છે.
ચાલુ નાણાકીય વર્ષના ચોથા ક્વાર્ટરમાં રિલાયન્સ જિયો ઈન્ફોકોમનો ચોખ્ખો નફો રૂ.4,173 કરોડ હતો, જે અગાઉના ક્વાર્ટરમાં રૂ.3,615 કરોડ હતો. ચોથા ક્વાર્ટરમાં રિલાયન્સ જિયોની આવક 8 ટકા વધીને રૂ.20,901 કરોડ થઈ છે જે સમાન નાણાકીય વર્ષના ત્રીજા ક્વાર્ટરમાં રૂ.19,347 કરોડ હતી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
