Team Chabuk-Sports Desk: બોલિવૂડ એક્ટ્રેસ હેઝલ કીચ અને ભારતીય ક્રિકેટ ટીમના પૂર્વ ઓલરાઉન્ડર યુવરાજ સિંહ માતા-પિતા બની ગયા છે. 25 જાન્યુઆરીએ હેઝલે દીકરાને જન્મ આપ્યો છે. યુવરાજે પોતાના સોશિયલ મીડિયા અકાઉન્ટમાં પોસ્ટ શેર કરીને આ અંગે માહિતી આપી હતી. યુવરાજે લખ્યું, અમે ખુશ છીએ, આશા છે કે તમે અમારી પ્રાઈવસીની રિસ્પેક્ટ કરશો.
40 વર્ષીય યુવરાજે મંગળવારે મોડી રાત્રે ટ્વીટ કરીને આ જાણકારી પોતાના ચાહકો સાથે શેર કરી હતી. યુવરાજે ટ્વીટ કર્યું, “અમારા તમામ ચાહકો, કુટુંબીજનો અને મિત્રોને જણાવતા આનંદ થાય છે કે આજે ભગવાને અમને એક બાળકના આશીર્વાદ આપ્યા છે. અમે આ આશીર્વાદ માટે ભગવાનનો આભાર માનીએ છીએ અને અમારા બાળકનું વિશ્વમાં સ્વાગત કરીએ છીએ અને ઈચ્છીએ છીએ કે તમે અમારી પ્રાઈવસીનું સન્માન કરશો.”
❤️ @hazelkeech pic.twitter.com/IK6BnOgfBe
— Yuvraj Singh (@YUVSTRONG12) January 25, 2022
યુવરાજે 2012માં કેન્સરની બીમારીમાંથી સાજા થયા પછી નવેમ્બર 2015માં બ્રિટિશ નાગરિક હેઝલ કીચ સાથે સગાઈ કરી અને એક વર્ષ પછી નવેમ્બર 2016માં બંને લગ્નના બંધનમાં બંધાયાં હતાં.
યુવરાજ સિંહની આંતરરાષ્ટ્રીય કારકિર્દી શાનદાર રહી હતી. તેણે તેની 17 વર્ષની આંતરરાષ્ટ્રીય કારકિર્દીમાં 402 મેચ રમી અને આ દરમિયાન તેણે 11 હજાર 778 રન બનાવ્યા હતા. યુવરાજે પોતાની કારકિર્દીમાં 17 સદી અને 71 ફિફ્ટી ફટકારી છે.
આ ઉપરાંત યુવીએ બોલિંગમાં પણ મહત્વનું યોગદાન આપ્યું હતું અને 148 વિકેટ ઝડપી હતી. યુવરાજ વન-ડે ક્રિકેટમાં સાત મેન ઓફ ધ સિરીઝનો પુરસ્કાર પણ જીત્યો હતો. તેના ઓલરાઉન્ડ પ્રદર્શનના આધારે ભારતીય ટીમે 2011નો વર્લ્ડ કપ પણ જીત્યો હતો. ત્યારે યુવીએ 350થી વધુ રન બનાવ્યા હતા અને 15 વિકેટ લીધી હતી. યુવરાજે વર્ષ 2000માં આંતરરાષ્ટ્રીય ક્રિકેટમાં ડેબ્યુ કર્યું હતું અને 2019માં ક્રિકેટના તમામ ફોર્મેટમાંથી નિવૃત્તિ લીધી હતી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
