Team Chabuk-Sports Desk: ભારત માટે ટી ટ્વેન્ટી વિશ્વકપના અભિયાનનો આરંભ નિરસ રહ્યો હતો. ભારતને પાકિસ્તાનની સામે સજ્જડ પરાજયનો સામનો કરવો પડ્યો હતો. ક્રિકેટના પાયાના બે સ્તંભ બેટીંગ અને બોલિંગ બંનેમાં ટીમને પારોઠના પગલાં ભરવા પડ્યા હતા. પાકિસ્તાન સામેના પરાજય બાદ હવે વિશ્વકપમાં ભારતની પાડોશી દેશની વિરૂદ્ધ અજય રહેવાની પરંપરા પણ તૂટી ગઈ છે. બીજી બાજુ ટીમનો ખેલાડી હાર્દિક પંડ્યા ઈજાગ્રસ્ત થયો છે.
પાકિસ્તાનની સામે બેટીંગ કરતા સમયે હાર્દિકના ખભામાં ઈજા પહોંચી હતી. જેથી તે મેચની બીજી ઈનિંગમાં ફિલ્ડીંગ નહોતો કરી શક્યો. તેની જગ્યાએ ઈશાન કિશને ફિલ્ડીંગ કરી હતી. હવે હાર્દિક પંડ્યાની ઈજા પર બીસીસીઆઈએ અપડેટ આપ્યું છે, ‘બેટીંગ કરતા સમયે હાર્દિકના ખભામાં સીધી ઈજા પહોંચી હતી. તેને સ્કેન માટે મોકલવામાં આવ્યો છે.’
હાર્દિકની ઈજા કેટલીક ગંભીર છે તેની હજુ સુધી પુષ્ટી નથી થઈ શકી. જોકે સ્કેન દ્વારા ખ્યાલ આવશે કે ઈજા કેવી છે? ટીમ ઈન્ડિયા માટે હાર્દિક એક બેટર તરીકે મેદાનમાં ઉતર્યો હતો. કદાચ ભારત માટે નોકઆઉટ મેચમાં તે બોલિંગ કરતો જોવા મળી શકે છે. બોલિંગ અંગે હાર્દિક પંડ્યાએ કહ્યું હતું કે, કમર ઠીક છે. થોડી પીડા હતી, પણ હું હમણાં બોલિંગ નહીં કરું. હું નોક આઉટ સ્પર્ધામાં બોલિંગ કરી શકીશ. પ્રોફેશનલ્સ અને મારે બંનેએ કોલે દેવો પડશે કે હું બેટીંગ ક્યારે કરી શકીશ.
ગઈકાલે પાકિસ્તાન સામે અંતિમ બે ઓવર રહી ત્યારે હાર્દિક પંડ્યા બેટીંગ કરવા માટે ઉતર્યો હતો. આઠ બોલનો સામનો કર્યો અને 137.50ની સ્ટ્રાઈક રેટની સાથે બે ચોગ્ગાની મદદથી અગિયાર રન બનાવ્યા હતા. તે હારિસ રઉફના હાથે આઉટ થયો હતો. તેણે મોટા શોટ્સ રમવાનો પ્રયાસ કર્યો હતો પણ પાકિસ્તાનના બોલિંગ અટેકની સામે નિષ્ફળ નિવડ્યું હતું.
તાજેતાજો ઘાણવો
- પુલવામા હુમલાના 6 વર્ષઃ આજે પ્રેમની વાતો નહીં વીરોની વાત થઈ રહી છે
- સોનાના ભાવમાં ક્યારે લાગશે બ્રેક ? આજે ભાવમાં ફરી વધારો, જાણો આજનો લેટેસ્ટ ભાવ
- રેપોરેટ ઘટવાથી તમારી હોમલોન, કારલોન પર શું અસર પડશે ? હવે કેટલો હપ્તો આવશે ? જાણો
- ચાર દાયકા લોકસાહિત્યની સેવા કરનાર પદ્મશ્રી ભીખુદાન ગઢવીની મોટી જાહેરાત, હવે નહીં કરે લોકડાયરા
- અમરેલી લેટરકાંડઃ દિલીપ સંઘાણીએ મુખ્યમંત્રીને પત્ર લખીને કહ્યું, સત્ય બહાર લાવવા હું નાર્કો ટેસ્ટ કરાવવા તૈયાર