Team Chabuk-Spots Desk: વર્લ્ડકપની સેમીફાઈનલ માટે ભારત અને ન્યૂઝિલેન્ડ તૈયાર છે. બંને ટીમ ફાઈનલમાં પહોંચી અને વિશ્વ કપનો ખિતાબ જીતવા માટે પોતાનો શ્રેષ્ઠ પ્રયાસ કરાશે. આ માટે બંને ટીમના ખેલાડીઓ મેદાનમાં પરસેવો પાડી રહ્યા છે અને આકરી પ્રેક્ટીસ કરી રહ્યા છે. હવે માત્ર બચેલી ચાર ટીમ વચ્ચે જ જંગ જામશે.
જો કે, આ પહેલાં આપને અમે આ વર્લ્ડ કપની બેસ્ટ ઈલેવન જણાવી દઈએ. 2023 ODI વર્લ્ડ કપના લીગ તબક્કાની તમામ 45 મેચો સમાપ્ત થઈ ગઈ છે. ટીમ ઈન્ડિયાએ ટૂર્નામેન્ટમાં શાનદાર પ્રદર્શન કર્યું અને લીગ તબક્કામાં તેની તમામ 9 મેચ જીતી. દક્ષિણ આફ્રિકા બીજા, ઓસ્ટ્રેલિયા ત્રીજા અને ન્યૂઝીલેન્ડ ચોથા ક્રમે છે. આ ચારેય ટીમો સેમીફાઈનલમાં પ્રવેશી ચૂકી છે. ટૂર્નામેન્ટના નોકઆઉટ સ્ટેજ પહેલા અમે તમને 2023 વર્લ્ડ કપની બેસ્ટ ઈલેવન વિશે જણાવવા જઈ રહ્યા છીએ. આ ટીમની પસંદગી ખેલાડીઓના વ્યક્તિગત પ્રદર્શનના આધારે કરવામાં આવી છે.
આ ટીમમાં રસપ્રદ વાત એ છે કે વર્લ્ડ કપ 2023ની બેસ્ટ ઈલેવનમાં બાબર આઝમ, મોહમ્મદ રિઝવાન, સ્ટીવ સ્મિથ, ડેવિડ વોર્નર, જોસ બટલર, બેન સ્ટોક્સ અને મિશેલ સ્ટાર્ક જેવા કોઈ મહાન ખેલાડી નથી. ટૂર્નામેન્ટમાં શાનદાર પ્રદર્શન કરનારા ખેલાડીઓને જ ટીમમાં સ્થાન મળ્યું છે.
2023 વર્લ્ડ કપમાં અત્યાર સુધી 9 મેચમાં 65.67ની એવરેજથી 591 રન બનાવનાર વિકેટકીપર બેટ્સમેન ક્વિન્ટન ડી કોકને આ ટીમમાં જગ્યા મળી છે. ભારતીય કેપ્ટન રોહિત શર્મા સાથે ડી કોકને ઓપનર તરીકે પસંદ કરવામાં આવ્યો છે. આ વર્લ્ડ કપમાં હિટમેન સિક્સર કિંગ સાબિત થયો છે. રોહિતે 9 મેચમાં 24 છગ્ગા અને 58 ચોગ્ગાની મદદથી 503 રન બનાવ્યા છે. ત્રીજા નંબર પર, ટૂર્નામેન્ટમાં અત્યાર સુધી સૌથી વધુ રન બનાવનાર વિરાટ કોહલી રમશે. કોહલીના નામે 9 મેચમાં 99ની એવરેજથી 594 રન છે.
આ ટીમની વિશેષતા એ છે કે ટોપ-3 ખેલાડીઓ મિડલ ઓર્ડરના ખેલાડીઓ જેટલા સારા છે. આ ટીમનો મિડલ ઓર્ડર ન્યૂઝીલેન્ડના રચિન રવિન્દ્ર, ઓસ્ટ્રેલિયાના મિશેલ માર્શ અને ગ્લેન મેક્સવેલ જેવા ખેલાડીઓથી સજ્જ છે. આ ખેલાડીઓ કોઈપણ બોલિંગ આક્રમણને બરબાદ કરી શકે છે. અત્યાર સુધીમાં રવિન્દ્રએ 565 રન, માર્શે 426 રન અને મેક્સવેલે 397 રન બનાવ્યા છે. આ પછી રવિન્દ્ર જાડેજા અને માર્કો જેન્સન જેવા ખેલાડીઓ પણ આ ટીમનો ભાગ છે. આ બંનેએ ટૂર્નામેન્ટમાં બોલ અને બેટ બંનેથી શાનદાર પ્રદર્શન કર્યું છે.
બોલિંગ ઓર્ડર પણ ખાસ છે. મુખ્ય વિકેટ લેનાર એડમ ઝમ્પા મુખ્ય સ્પિનર છે. ઝમ્પાએ આ વર્લ્ડ કપમાં અત્યાર સુધીમાં 22 વિકેટ ઝડપી છે. ફાસ્ટ બોલિંગમાં શ્રીલંકાના દિલશાન મદુશંકા અને ભારતના જસપ્રિત બુમરાહ છે. મદુશંકાએ 9 મેચમાં 21 અને બુમરાહે એટલી જ મેચોમાં 17 વિકેટ ઝડપી છે.
ફાસ્ટ બોલિંગ ઓર્ડરમાં માર્કો યાન્સન પણ બુમરાહ અને મદુશંકાને ટેકો આપવા માટે હાજર છે, જેમણે નવા બોલથી તબાહી મચાવી છે. યાનસેનના નામે 17 વિકેટ છે. આ ત્રણેયને સપોર્ટ કરવા માટે મિચેલ માર્શને પણ ટીમમાં સ્થાન મળ્યું છે. સ્પિન વિભાગની વાત કરીએ તો જમ્પા અને જાડેજાની સાથે મેક્સવેલ અને રચિન રવિન્દ્ર પણ છે. એટલે કે આ ટીમમાં બોલિંગના કુલ આઠ વિકલ્પો છે.
2023 વર્લ્ડ કપની શ્રેષ્ઠ ઈલેવન
રોહિત શર્મા (કેપ્ટન), ક્વિન્ટન ડી કોક (વિકેટકીપર), વિરાટ કોહલી, રચિન રવિન્દ્ર, મિચેલ માર્શ, ગ્લેન મેક્સવેલ, માર્કો જેન્સન, રવિન્દ્ર જાડેજા, એડમ ઝમ્પા, જસપ્રિત બુમરાહ અને દિલશાન મદુશંકા

તાજેતાજો ઘાણવો
- પુલવામા હુમલાના 6 વર્ષઃ આજે પ્રેમની વાતો નહીં વીરોની વાત થઈ રહી છે
- સોનાના ભાવમાં ક્યારે લાગશે બ્રેક ? આજે ભાવમાં ફરી વધારો, જાણો આજનો લેટેસ્ટ ભાવ
- રેપોરેટ ઘટવાથી તમારી હોમલોન, કારલોન પર શું અસર પડશે ? હવે કેટલો હપ્તો આવશે ? જાણો
- ચાર દાયકા લોકસાહિત્યની સેવા કરનાર પદ્મશ્રી ભીખુદાન ગઢવીની મોટી જાહેરાત, હવે નહીં કરે લોકડાયરા
- અમરેલી લેટરકાંડઃ દિલીપ સંઘાણીએ મુખ્યમંત્રીને પત્ર લખીને કહ્યું, સત્ય બહાર લાવવા હું નાર્કો ટેસ્ટ કરાવવા તૈયાર