Team Chabuk-National Desk: પાંચ રાજ્યની વિધાનસભા ચૂંટણી પૂર્ણ થયા બાદ પેટ્રોલ-ડીઝલ (Petrol-Diesel) અને ગેસના ભાવમાં સતત વધારો થઈ રહ્યો છે. જનતાના માથે મોંઘવારીનો માર પડી રહ્યો છે. ત્યારે આજે ફરી એક વખત તેલ કંપનીઓએ પેટ્રોલ-ડીઝલના ભાવમાં (Petrol-Diesel Price) વધારો કર્યો છે. આજે પેટ્રોલની કિંમતમાં પ્રતિ લિટરે 75 થી 84 પૈસાનો વધારો થયો છે જ્યારે ડીઝલની કિંમતમાં 76 થી 85 પૈસાનો વધારો કરવામાં આવ્યો છે. આ ભાવ વધારા સાથે જ દિલ્હીમાં એક લિટર પેટ્રોલ 103.41 રૂપિયા પ્રતિ લિટર મળી રહ્યું છે જ્યારે ડીઝલ 94.67 રૂપિયા પ્રતિ લિટર મળી રહ્યું છે. 12 દિવસમાં 10મી વખત પેટ્રોલ ડીઝલના ભાવમાં વધારો થયો છે.
મુંબઈની વાત કરીએ તો મુંબઈમાં પેટ્રોલની કિંમત 118.41 રૂપિયા પ્રતિ લિટર અને ડીઝલની કિંમત 102.64 રૂપિયા પ્રતિ લિટર છે. કોલકાતામાં પેટ્રોલની કિંમત 113.03 રૂપિયા છે જ્યારે ડીઝલની કિંમત 97.82 રૂપિયા પ્રતિ લીટર છે. તે જ સમયે, ચેન્નાઈમાં પેટ્રોલ 108.96 રૂપિયા પ્રતિ લીટર અને ડીઝલ 99.04 રૂપિયા પ્રતિ લીટર છે.
આંતરરાષ્ટ્રીય બજારમાં ક્રૂડ ઓઈલની કિંમત 112 ડોલર પ્રતિ બેરલ સુધી પહોંચી ગયા બાદ ઓઈલ કંપનીઓએ રવિવારે ડીઝલના મોટા ખરીદદારો માટે 25 રૂપિયા પ્રતિ લીટરનો વધારો કર્યો હતો. ઓઈલ ડીલર્સનું કહેવું છે કે, છૂટક કિંમતમાં ધીમે ધીમે વધારો કરવામાં આવશે.
ગુજરાતમાં પેટ્રોલ-ડીઝલના ભાવ
| શહેર | પેટ્રોલના ભાવ (પ્રતિ લિટર રૂ.) | ડીઝલના ભાવ (પ્રતિ લિટર રૂ.) |
| અમદાવાદ | 103.07 | 97.35 |
| વડોદરા | 102.72 | 97.02 |
| સુરત | 102.94 | 97.25 |
| રાજકોટ | 102.83 | 97.13 |
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
