Team Chabuk-National Desk: ભોપાલમાં એક ડોક્ટરની લાઈવ મોતનો વીડિયો વાઈરલ થઈ રહ્યો છે. પાર્ટીમાં ડાન્સ કરી રહેલા 67 વર્ષીય સીનિયર ડોક્ટર સીએસ જૈનને હ્રદયરોગનો હુમલો આવ્યો હતો અને તેઓ જમીન પર ઢળી પડ્યા હતા. આ ઘટના ઘટી ત્યારે હોટલમાં પચાસ ડોક્ટરો હાજર હતા. તેમણે પોતાના તરફથી ડોક્ટરને બચાવવાની પૂરતી કોશિશ કરી હતી. વધુ સારવાર અર્થે નજીકની મલ્ટી સ્પેશિયાલિસ્ટ સ્માર્ટ સિટી હોસ્પિટલમાં ભરતી કરવામાં આવ્યા હતા. પણ તેઓને બચાવી ન શકાયા.
લાઈવ મોતની ઘટના રવિવારની મોડી રાત્રે હોટલ જહાનુંમામાં ઘટી હતી. જેનો વીડિયો હવે વાઈરલ થઈ રહ્યો છે. હોટલમાં ડોક્ટરોએ ગેટ ટુ ગેધર પાર્ટીનું આયોજન કર્યું હતું. જેમાં શહેરના ટોપ લેવલ વિશેષજ્ઞો હાજર હતા. વીડિયોમાં દેખાઈ છે કે આનંદના અવસર પર ડોક્ટર મન મૂકીને નાચી રહ્યા છે. ગીતના બોલ છે મોકા ફિર કહાં મિલેગા…. થોડીવાર માટે તેઓ ઉભા રહ્યા અને પછી જમીનદોસ્ત થઈ ગયા.
Bhopal: A doctor collapses on the dance floor and dies at a party in Bhopal on Sunday night. Dr CS Jain, 67, was a renowned forensic medicine expert of the state. He had conducted over 3000 autopsies in his career. pic.twitter.com/nJ1HYC2Iid
— Free Press Journal (@fpjindia) October 19, 2021
આ અંગે ડોક્ટર સીએસ જૈનના ભાઈ વીરેન્દ્ર જૈને જણાવ્યું હતું કે, તેઓ રવિવારની સાંજે હોટલ જહાંનુમામાં ડોક્ટર્સની પાર્ટીમાં ગયા હતા. પાર્ટીમાં જ્યારે તેઓ ડાન્સ કરી રહ્યા હતા ત્યારે તેમનું મૃત્યુ થયું. ડો. જૈન મેડિકોલીગલ ઇન્સ્ટિટ્યૂટમાં લાંબા સમયથી પદ સંભાળી રહ્યા હતા. તેમણે ત્રણ હજારથી વધારે બોડીનું પરિક્ષણ કર્યું હતું. તેમના મૃતદેહને મેડિકોલીગલ ઇન્સ્ટિટ્યૂના કોલ્ડ સ્ટોરેજમાં રાખવામાં આવ્યું હતું. આ એ જગ્યાએ છે જ્યાં તેઓ ખૂદ પોસ્ટમોર્ટમ કરતા હતા. મંગળવારના રોજ તેમનો અંતિમ સંસ્કાર કરવામાં આવ્યો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
