Team Chabuk-Political Desk: ગુજરાતમાં આવતીકાલે વિધાનસભા ચૂંટણીના પરિણામ પર સૌની નજર મંડાયેલી છે. તે પહેલા આજે આમ આદમી પાર્ટી માટે ખુશીના સમાચાર આવ્યા છે. દિલ્હીમાં મ્યુનિસિપલ કોર્પોરેશન ઓફ દિલ્હી એટલે કે MCD ની ચૂંટણીમાં આમ આદમી પાર્ટીની શાનદાર જીત થઈ છે. દિલ્હીમાં ફરી એક વખત અરવિંદ કેજરીવાલનો જાદુ ચાલ્યો છે. આમ આદમી પાર્ટી MCDમાં 15 વર્ષથી ચાલતું ભાજપનું શાસન ધ્વસ્ત કરવામાં સફળ રહી છે. પૂર્ણ બહુમતી સાથે આમ આદમી પાર્ટી વિજેતા થઈ છે. હાલ આમ આદમી પાર્ટીના કાર્યકરોમાં ખુશીનો માહોલ જોવા મળી રહ્યો છે.
મ્યુનિસિપલ કોર્પોરેશન ઓફ દિલ્હી (MCD)ની ચૂંટણી બાદ આજ રોજ મતગણતરી હાથ ધરવામાં આવી હતી. કુલ 250 બેઠકો માટે યોજાયેલી ચૂંટણીમાં આમ આદમી પાર્ટીએ 134 બેઠકો પર જીત મેળવી છે જ્યારે ભાજપને ભાગમાં 104 બેઠક આવી છે. તો કોંગ્રેસ માત્ર 9 બેઠક જ જીતી શકી છે. અને 3 બેઠક પર અપક્ષ ઉમેદવારો જીત્યા છે. આમ આમ આદમી પાર્ટીએ 134 બેઠકો જીતીને MCDમાં શાસન પાક્કું કરી લીધું છે. જ્યારે ભાજપના 15 વર્ષના શાસનનો અંત આવ્યો છે. આમ આદમી પાર્ટીએ વિશ્વની બીજા નંબરની સૌથી મોટી મહાનગરપાલિકામાં જીત મેળવી લેતાં હવે રાજ્ય સરકાર અને MCD બન્ને આમ આદમી પાર્ટી પાસે આવી ગયા છે. આમ દિલ્હીમાં હવે ખરેખર ડબલ એન્જિન સરકાર બની છે.
CM @ArvindKejriwal's Victory Speech from AAP HQ after winning Delhi MCD Elections | LIVE #MCDMeinBhiKejriwal https://t.co/arCjwwgjYv
— Aam Aadmi Party Delhi (@AAPDelhi) December 7, 2022
મહત્વનું છે કે, દેશની રાજધાની દિલ્હીનો 97 ટકા વિસ્તાર MCDની અંદર આવે છે. જ્યારે બાકીનો ત્રણ ટકા વિસ્તાર નવી દિલ્હી નગર પરિષદ (NDMC) અને દિલ્હી કન્ટેન્મેન્ટ બોર્ડ (DCB)ની અંદર આવે છે. મ્યુનિસિપલ કોર્પોરેશન ઓફ દિલ્હી (MCD)માં લગભગ 2 કરોડ લોકોનો સમાવેશ થાય છે. જે વિશ્વની ટોક્યો બાદ બીજી સૌથી મોટી જનસંખ્યા ધરાવતી કોર્પોરેશન છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
