Team Chabuk-Entertainment Desk: સુપરસ્ટાર સલમાન ખાને આજે પોતાનો 57મો જન્મદિવસ ઉજવ્યો. આ ખાસ અવસર પર સલમાનની એક ઝલક જોવા માટે તેના ચાહકો મુંબઈના બાંદ્રામાં ગેલેક્સી એપાર્ટમેન્ટની બહાર એકઠા થયા હતા, પરંતુ થોડી જ વારમાં ભીડ એટલી વધી ગઈ કે પોલીસે લાઠીચાર્જ કરવો પડ્યો. આ દરમિયાન એક વીડિયો પણ સામે આવ્યો છે, જે સોશિયલ મીડિયા પર જોરદાર વાયરલ થઈ રહ્યો છે. વીડિયોમાં જોઈ શકાય છે કે ગેલેક્સી એપાર્ટમેન્ટમાં સલમાન ખાનના ફેન્સ બેકાબૂ થતા જોવા મળી રહ્યા છે. તેમને કાબૂમાં લેવા માટે પોલીસે લાઠીચાર્જ કરવો પડ્યો હતો. વીડિયોમાં પોલીસ દ્વારા કરવામાં આવેલા લાઠીચાર્જ બાદ લોકો અહીં-ત્યાં દોડતા જોવા મળે છે. તે જાણીતું છે કે દર વર્ષે તેના જન્મદિવસ પર, સલમાન ખાન ગેલેક્સી એપાર્ટમેન્ટની બાલ્કનીમાં આવે છે અને ચાહકો તરફ વેવ કરે છે.
સલમાન ખાને પોતાના ઈન્સ્ટાગ્રામ એકાઉન્ટ પર પોતાનો એક ફોટો શેર કર્યો છે, જેમાં ગેલેક્સ એપાર્ટમેન્ટની નીચે તેના ચાહકોની ભીડ જોઈ શકાય છે. તસવીરમાં સલમાન ખાને ફેન્સ તરફ મોઢું રાખ્યું છે. ફોટો પોસ્ટ કરીને, તેણે તેના ચાહકો માટે કેપ્શનમાં લખ્યું, ‘તમારા બધાનો આભાર’. આ તસવીરમાં સલમાન ખાન બ્લુ ટી-શર્ટ અને જીન્સમાં જોવા મળી રહ્યો છે.
#WATCH | Mumbai: Police lathi-charge crowd gathered outside Salman Khan's residence Galaxy apartments on his birthday. pic.twitter.com/zrB8pyaguv
— ANI (@ANI) December 27, 2022
વર્ક ફ્રન્ટની વાત કરીએ તો, સલમાન ખાન પાસે આજકાલ ઘણી ફિલ્મો છે, જેમાં ‘ટાઈગર 3’, ‘કિસી કા ભાઈ કિસી કી જાન’, ‘કિક 2’, ‘નો એન્ટ્રી’ સિક્વલનો સમાવેશ થાય છે. ચર્ચા છે કે શાહરૂખ ખાનની ફિલ્મ પઠાણમાં પણ સલમાન ખાને કેમિયો કર્યો છે. સલમાન ખાન છેલ્લે ફિલ્મ ફાઈનલમાં જોવા મળ્યો હતો, જેમાં તેણે તેના સાળા આયુષ શર્મા સાથે સ્ક્રીન શેર કરી હતી. જેનું નિર્દેશન મહેશ માંજરેકરે કર્યું હતું.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
