Team Chabuk-Entertainment Desk: મહાભારત (mahabharat) સિરિયલમાં શકુનિ મામાની ભૂમિકા ભજવનાર ગૂફી પેન્ટલનું (Gufi Paintal) આજે સોમવારે સવારે નિધન (passaway) થયું છે. 78 વર્ષીય ગૂફી પેન્ટલના નિધનથી સિને જગતમાં શોકનો માહોલ છવાયો છે. ગૂફી પેન્ટલ છેલ્લા ઘણા દિવસથી મુંબઈની અંધેરીની એક હોસ્પિટલમાં સારવાર લઈ રહ્યા હતા. ગૂફી પેન્ટલના નિધનના સમાચારની પુષ્ટિ તેઓના સાથી કલાકાર સુરેન્દ્ર પાલે કરી છે. આજે સાંજે 4 વાગ્યે ગૂફી પેન્ટલના અંતિમ સંસ્કાર કરવામાં આવશે.
ગૂફીની તબિયત બગડી ત્યારે તેઓ ફરીદાબાદમાં હતા. તેમને પહેલા ફરીદાબાદની હોસ્પિટલમાં દાખલ કરવામાં આવ્યા હતા અને ત્યારપછી મુંબઈ લાવવામાં આવ્યા હતા. ગુફી પેન્ટલે 1980ના દાયકાના ઘણા ટીવી શો સાથે ફિલ્મોમાં પણ કામ કર્યું હતું. આ સાથે તેમણે બીઆર ચોપરાની હિટ ટીવી સિરિયલ ‘મહાભારત’માં શકુનિ મામાની ભૂમિકા ભજવી હતી. 80ના દાયકામાં આવતી આ સિરિયલ લોકોને ખૂબ જ પસંદ આવી હતી. આ સિરિયલ બે વર્ષ કરતાં વધુ સમય સુધી ચાલી હતી. આ સિરિયલ તે સમયે આંતરરાષ્ટ્રીય સ્તરે લોકપ્રિય થઈ હતી. આ સિરિયલમાં ગૂફી પેન્ટલે શકુનિ મામાની ભૂમિકા ભજવી હતી.
ગૂફીએ 1975માં ‘રફુ ચક્કર’થી બોલિવૂડ ડેબ્યુ કર્યું હતું. તે 80ના દાયકામાં ઘણી ફિલ્મો અને ટીવી શોમાં જોવા મળ્યા હતા. જોકે, ગૂફીને વાસ્તવિક ઓળખ 1988માં બીઆર ચોપરાના સુપરહિટ શો ‘મહાભારત’થી મળી હતી. જેમાં તેમણે શકુની મામાનું પાત્ર ભજવ્યું હતું. ગૂફી છેલ્લે સ્ટાર ભારતના શો ‘જય કન્હૈયા લાલ કી’માં જોવા મળ્યા હતા.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
 સિરિયલમાં શકુનિ મામાની ભૂમિકા ભજવનાર ગૂફી પેન્ટલનું (Gufi Paintal) આજે સોમવારે સવારે નિધન (passaway) થયું છે. 78 વર્ષીય ગૂફી પેન્ટલના નિધનથી સિને જગતમાં શોકનો માહોલ છવાયો છે.){kind=link}