Team Chabuk-Entertainment Desk: સોની ટીવીના લોકપ્રિય ક્રાઈમ શો ‘CID’માં સીઆઈડી ઓફિસર ફ્રેડરિક્સનું પ્રખ્યાત પાત્ર ભજવનારા દિનેશ ફડનીસે કાંદિવલીની તુંગા હોસ્પિટલમાં સોમવારે મોડી રાત્રે અંતિમ શ્વાસ લીધા છે. 57 વર્ષના દિનેશ ફડનીસનું મલ્ટિપલ ઓર્ગન ફેલ્યોર થવાને કારણે અવસાન થયું છે.
મળતી માહિતી મુજબ દિનેશ ફડનીસ લીવર, હૃદય અને કિડનીની સમસ્યાઓથી પીડાતો હતો અને તેની સમસ્યાઓ દિવસેને દિવસે વધતી જતી હતી. દિનેશ ફડનીસ 30મી નવેમ્બરથી કાંદિવલીની તુંગા હોસ્પિટલમાં દાખલ હતા. તેને વેન્ટિલેટર પર રાખવામાં આવ્યા હતા. દિનેશ ફડનીસના અંતિમ સંસ્કાર ટૂંક સમયમાં બોરીવલીના દૌલત નગર સ્મશાન ભૂમિમાં કરવામાં આવશે.
દિનેશ ફડનીસે ટીવી શો સિવાય ઘણી ફિલ્મોમાં પણ કામ કર્યું હતું. 1998માં તેમણે શરૂઆતથી જ CID શો સાથે સંકળાયેલા હતા અને CIDની બે દાયકાની સફર દરમિયાન તેઓ હંમેશા શોમાં દેખાયા હતા. તેમણે આ શોમાં 20 વર્ષ સુધી કામ કર્યું છે. ટીવી શો CIDથી મોટી ઓળખ મળી હતી. આ શોમાં તે ઈન્સ્પેક્ટર ફ્રેડરિક્સના રોલમાં જોવા મળ્યા હતા. તેમના પાત્રને ખૂબ પસંદ કરવામાં આવ્યું હતું.
થોડા સમયથી CID પછી દિનેશ અચાનક સ્ક્રીન પરથી ગાયબ થઈ ગયા. તેમના વિશે એવા અહેવાલો હતા કે તેમણે અભિનય છોડી દીધો હતો અને મરાઠી ફિલ્મો માટે સ્ક્રિપ્ટ લખવાનું શરૂ કર્યું હતું. સીઆઈડી સિવાય તેણે શો ‘તારક મહેતા કા ઉલ્ટા ચશ્મા’માં પણ નાની ભૂમિકા ભજવી હતી. આ સિવાય તેમણે આમિર ખાન સાથે ફિલ્મ ‘સરફરોશ’માં અને રિતિક રોશન સાથે ફિલ્મ ‘સુપર 30’માં પણ કામ કર્યું છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
