Team Chabuk-Vishesh Desk: વિટામિન બી 12 લક્ષણો: એક સ્વસ્થ શરીર માટે પૂરતા પ્રમાણમાં વિટામિન્સ અને ખનિજોની જરૂર હોય છે. આવી સ્થિતિમાં, જ્યારે શરીરમાં કોઈ વિટામિન અથવા મિનરલની ઉણપ થાય, ત્યારે ઘણા પ્રકારના લક્ષણો દેખાવા લાગે છે. ચાલો આવા જ એક વિટામિની ઉણપ થવા પર જોવા મળતા લક્ષણો વિશે જાણીએ.
આપણા સ્વાસ્થ્ય માટે વિટામિન B12 ખૂબ જ મહત્વપૂર્ણ હોય છે. જ્યારે શરીરમાં વિટામિન B12 ઓછું હોય છે, ત્યારે તે ઘણી પ્રકારની સ્વાસ્થ્ય સમસ્યાઓનું કારણ બની શકે છે. જાણો વિટામીન B12 ની ઉણપ થવા પર જોવા મળતા લક્ષણો.
શરીરમાં વિટામિન B12 ની ઉણપ હોય ત્યારે કયા લક્ષણો જોવા મળે છે ?
માથાનો દુખાવો
વારંવાર માથાનો દુખાવો થવું પણ વિટામિન B12 ની ઉણપનું લક્ષણ હોઈ શકે છે. બાળકો અને પુખ્ત વયના લોકોમાં વિટામિન B12 ની ઉણપને કારણે માથાનો દુખાવો અનુભવાય છે. વિટામિન B12 ની ઉણપને કારણે માઇગ્રેનનો દુખાવો પરેશાન કરી શકે છે. જો કે, શરીરમાં વિટામિન B12ની પૂર્તિ કરીને માથાના દુખાવામાં ઘણી હદ સુધી રાહત મળી શકે છે.
થાક
શરીરના કોષોને યોગ્ય રીતે કાર્ય કરવા માટે વિટામિન B12ની જરૂર છે. શરીરમાં વિટામિન B12 ની ઉણપ થવા પર થાક અને નબળાઈ અનુભવાય છે.શરીરમાં વિટામિન B12 ની ઉણપને કારણે, સામાન્ય રેડ બ્લડ સેલ્સનું ઉત્પાદન ઘટી શકે છે. જ્યારે શરીરમાં ઓક્સિજનને પેશીઓ સુધી પહોંચાડવા માટે પૂરતા પ્રમાણમાં રેડ બ્લડ સેલ્સ હોતા નથી, ત્યારે વ્યક્તિ નબળાઇ અને થાક અનુભવી શકે છે.
પાચન સમસ્યાઓ
શરીરમાં વિટામિન B12 ની ઉણપને કારણે પાચન સંબંધિત સમસ્યાઓનો સામનો કરવો પડી શકે છે. વિટામીન B12નું લેવલ ઓછું થવા પર ઝાડા, ઉબકા, કબજિયાત, ઉલ્ટી અને ગેસ જેવી સમસ્યાઓનો સામનો કરવો પડી શકે છે.
ત્વચા પીળી પડવી
શરીરમાં વિટામિન B12 ની ઉણપ થવા પર રેડ બ્લડ સેલ્સ ઘટે છે, જે ત્વચાને પીળી બનાવી શકે છે. વિટામિન B12 ની ઉણપ થવા પર કમળાના લક્ષણો પણ જોવા મળે છે.
આ સ્થિતિમાં, ત્વચા અને આંખોનો સફેદ ભાગ પીળો થઈ શકે છે.
મોં કે જીભમાં દુખાવો
શરીરમાં વિટામિન B12 ની ઉણપને કારણે ગ્લોસાઇટિસ જેવી સમસ્યા સર્જાઈ શકે છે. આ સ્થિતિમાં, જીભમાં સોજો, રેડનેશ અને દુખાવો અનુભવાય છે. આ સિવાય વિટામિન B12ની ઉણપથી સ્ટોમેટાઈટિસ થઈ શકે છે, જેમાં મોઢામાં ચાંદા અને સોજો આવી શકે છે. જો તમને મોં અથવા જીભમાં દુખાવો અને સોજો લાગે છે, તો આ સ્થિતિને બિલકુલ અવગણશો નહીં.
હાથ અને પગમાં બળતરા
વિટામિન B12 ની ઉણપ થવા પર જ્ઞાનતંતુને નુકસાન થઈ શકે છે, જેનાથી હાથ અને પગમાં દુખાવો અને સુન્નતા થઈ શકે છે. જો હાથ અને પગમાં બળતરા અને સુન્નતાનો અનુભવ થાય છે, તો આ સ્થિતિમાં વિટામિન B12 નું પરીક્ષણ કરી શકાય છે.
ડિપ્રેશન
વિટામિન B12 સેન્ટ્રલ નર્વસ સિસ્ટમ યોગ્ય રીતે કાર્ય કરવા માટે જરૂરી હોય છે. વિટામિન B12ની ઉણપ માનસિક સ્વાસ્થ્યને અસર કરી શકે છે. શરીરમાં વિટામિન B12માં ઘટાડો ઓક્સિડેટીવ સ્ટ્રેસમાં વધારો કરી શકે છે. જેના કારણે લોકો તણાવ, ચિંતા અને ડિપ્રેશનનો અનુભવ કરી શકે છે.
વિટામિન B12 શેમાંથી મળે ?
સારડીન
ટુના માછલી
સૅલ્મોન
દૂધ અને ડેરી પ્રોડક્ટ્સ
ઈંડા
ફોર્ટિફાઇડ અનાજ
ચીઝ
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
