આમ આદમી પાર્ટીએ વિધાનસભા ચૂંટણી માટે 10 ઉમેદવારોની યાદી કરી જાહેર, જાણો કોણ ક્યાંથી લડશે ચૂંટણી ?

Team Chabuk-Political Desk: ગુજરાતમાં આ વર્ષે યોજાનારી ચૂંટણીને લઈને આમ આદમી પાર્ટી એક્શન મોડમાં આવી ગઈ છે. આમ આદમી પાર્ટીએ ભાજપ અને કોંગ્રેસ પહેલાં જ ઉમેદવારોની યાદી બહાર પાડી છે. ગુજરાત આમ આદમી પાર્ટીના પ્રદેશ અધ્યક્ષ ગોપાલ ઈટાલિયાએ આજે પ્રેસ કોન્ફરન્સ કરીને 10 ઉમેદવારોના નામની જાહેરાત કરી છે. આમ આદમી પાર્ટીના પ્રદેશ પ્રમુખ ગોપાલ ઇટાલિયાએ જણાવ્યું હતું કે ગુજરાતના ઈતિહાસમાં પહેલીવાર, ચૂંટણીના ત્રણ મહિના પહેલાં ઉમેદવારો જાહેર થશે. આજે 10 ઉમેદવારની પહેલી યાદી જાહેર થઈ છે.

ગોપાલ ઇટાલિયાએ જણાવ્યું કે, અમે સંગઠનને મજબૂત કર્યું છે. ઉમેદવારોને હું અભિનંદન પાઠવું છું. અરવિંદ કેજરીવાલજી અને દિલ્હીના નેતાઓના માર્ગદર્શનથી યાદી બની છે. પહેલું લિસ્ટ જાહેર થયું તેમાં 10 ઉમેદવારની જાહેરાત કરી છે. તમામને અભિનંદન આપીએ છીએ. બીજું લિસ્ટ પણ જલ્દી જાહેર કરવામાં આવશે.

ગોપાલ ઇટાલિયાએ વધુમાં કહ્યું કે, તમામને પૂરતો સમય મળે તેમજ મજબૂત રીતે કામ કરી શકે. તમામ એક એક નાગરિક સુધી પહોંચી શકે તેના માટે આ વહેલા લિસ્ટ જાહેર કરાયું છે. ચૂંટણીનું જાહેરનામું બહાર પડે તે પહેલાં જ તમામ ઉમેદવારો જાહેર થઈ જશે. અમે તૈયાર છીએ. કોંગ્રેસ તો હજી ચિંતનમાં છે અને છેલ્લા દિવસ સુધી આ જ કરશે પછી ભાજપ જોડે બેસી જશે.

આપના 10 ઉમેદવારોની યાદી

1. ભેમાભાઈ ચૌધરી-દિયોદર
2. વશરામ સાગઠિયા – રાજકોટ ગ્રામ્ય
3. સાગર રબારી- બેચરાજી
4. અર્જુન રાઠવા- છોટાઉદેપુર
5. રામ ધડુક – કામરેજ( સુરત)
6. શિવલાલ બારસિયા- રાજકોટ દક્ષિણ
7. સુધીર વાઘાણી – ગારીયાધાર
8. રાજેન્દ્ર સોલંકી – બારડોલી
9. ઓમપ્રકાશ તિવારી – નરોડા
10. જગમાલ વાળા- સોમનાથ

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત