Team Chabuk-Political Desk: ગુજરાતમાં દારુ બંધી માત્ર કાગળ પર છે તે બધા લોકો જાણે છે. દરેક જિલ્લામાં દારુ મળે છે. રાજ્યમાં હાલમાં વિધાનસભા ચૂંટણીનો રાજકીય માહોલ ગરમાયોછે. સત્તાધારી પક્ષ ભાજપના ઉમેદવાર પોતે જીત્યા પછી ટોપલામાં દારુ વેચાવડાવીશ તેવી જાહેરાત કરતા જોવા મળ્યા છે. આ વીડિયો સોશિયલ મીડિયામાં વાયરલ થઈ રહ્યો છે. રાજ્યમાં દારુબંધી અને તેની અમલવારીની ચર્ચાઓએ જોર પકડ્યું છે.
બનાસકાંઠાના દાંતા વિધાસનભા બેઠક પરથી ભાજપના ઉમેદવાર લાલુ પારઘીનો વીડિયો સોશિયલ મીડિયા પર વાયરલ થયો છે. નેતાજી વાયરલ એટલે થવા લાગ્યા છે કે તેમનું ભાષણ દારુબંધીના લીરેલીરા ઉડાવી રહ્યું છે. તેઓ મતદારોને આકર્ષવા કહે છે કે દેશી દારુ અને વિદેશી દારુ બંને મામલે કહે છે કે મારી બેન સંતાડીને દારુ વેચે છે. કેટલાક અંગ્રેજી દારુ ખુલ્લામાં વેચે છે. પણ ચિંતા ન કરો, હું જીતી જઈશ તો ટોપલામાં દારુ વેચાવડાવીશ.
ઉલ્લેખનીય છે કે નેતા અને પ્રજા વચ્ચે હાલ જ્યાં શિક્ષણ, આરોગ્ય, મોરબીની ઘટના, કોરોના, ડ્રગ્સ, મોંઘવારી, વિકાસ વગેરે મુદ્દાઓને લઈને વાતો કરી રહ્યા છે. હમણા જ કોંગ્રેસના એક તાલાલાના ઉમેદવારે પોતે ચૂંટણી જીતશે તો ધારાસભ્યને મળતો પગાર નહીં લે, આમ આદમી પાર્ટીના એક ઉમેદવારે ચૂંટણી જીતશે તો પક્ષ પલટો નહીં કરે વગેરે જેવી જાહેરાતો કહી છે ત્યાં ભાજપના આ નેતાએ તો ચૂંટણી જીત્યા પછી ખુલ્લેઆમ દારુ વેચાવશે તેવો વાયદો કરી નાખ્યો છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
