Team Chabuk-Gujarat Desk: ઉત્તર પૂર્વ દિલ્હીના વેલકમ વિસ્તારમાં, 28 વર્ષીય એક યુવતીની સાથે સામુહિક દુષ્કર્મની ઘટના સામે આવી છે. આરોપીએ પોતાના મિત્રની સાથે મળી ન માત્ર યુવતી ઉપર દુષ્કર્મ આચર્યું હતું, પણ કરેલા પાપનો વીડિયો પણ બનાવી લીધો હતો. આરોપી પરણિત હોવા છતાં તેણે પોતાનું પાપ છુપાડવા માટે અને પોલીસથી બચવા, યુવતીની સાથે લગ્ન કરી લીધા હતા. તોપણ આરોપી પોતાની હરકતમાંથી ઉંચો નહોતો આવ્યો.
તે યુવતીની અશ્લીલ વીડિયો વારંવાર બનાવી પોતાના મિત્રોને મોકલતો રહ્યો હતો. ત્યાં સુધી કે તેણે યુવતી પર દબાણ લાદતા, તેના મિત્રોની સાથે સંબંધ બાંધવાનું કહ્યું હતું. યુવતી તેની આવી હરકતોથી પરેશાન થઈ ગઈ હતી અને ઘરે પરત આવી ગઈ હતી. તેના પરિવારજનો આરોપીની સાથે વાતચીત કરવા માટે ગયા તો આરોપીના પરિવારના લોકોએ યુવતીના પરિવાર પર હુમલો કરી દીધો હતો. યુવતી આખરે પોલીસની પાસે ગઈ હતી અને ફરિયાદ નોંધાવી હતી.
પોલીસના જણાવ્યા અનુસાર પીડિતાની વય 28 વર્ષની છે. જે પરિવારની સાથે ન્યૂ ઉસ્માનપુરા વિસ્તારમાં રહે છે. વર્ષ 2019માં યુવતી એક હોસ્પિટલમાં નોકરી કરતી હતી. જ્યાં તેની મુલાકાત આરોપીની સાથે થઈ હતી. બંનેની વચ્ચે મિત્રતા થઈ અને પછી પ્રેમ થઈ ગયો. આરોપી યુવક યુવતીની સાથે લગ્ન કરવાની વાત કરવા લાગ્યો. બેઉંની મિત્રતા જોઈ, યુવતીના પરિવારજનોએ યુવકના પરિવારજનોને ઘરે આમંત્રણ આપ્યું.
આરોપ લાગ્યો છે કે આ વચ્ચે યુવકે કહ્યું હતું કે, પહેલા તે તેને તેની માતાની સાથે મુલાકાત કરાવવા માગે છે. યુવતી યુવકની વાતમાં આવી ગઈ હતી અને તેના વેલકમ નિવાસસ્થાને પહોંચી ગઈ હતી. અહીં તેના પરિવારજનો તો નહોતો પણ તેનો એક અન્ય મિત્ર ઉપસ્થિત હતો. આરોપ લાગ્યો છે કે, યુવકે યુવતીને માદક પદાર્થ પીવડાવ્યું હતું અને તેના પર સામુહિક દુષ્કર્મ આચર્યું હતું. દુષ્કર્મનો આરોપીએ વીડિયો પણ બનાવ્યો હતો. એ પછી આરોપી તેને બ્લેકમેલ કરવા લાગ્યો.
બે મહિના બાદ જ્યારે યુવતી ગર્ભવતી થઈ ગઈ તો આરોપીએ તેનો ગર્ભપાત કરાવી નાખ્યો હતો. આરોપીએ પોલીસ ફરિયાદના ભયથી પીડિતાની સાથે લગ્ન કરી લીધા હતા. લગ્ન બાદ આરોપીએ પોતાનો અસલી ચહેરો દેખાડ્યો હતો. એ પત્નીનો અશ્લીલ વીડિયો બનાવી પોતાના મિત્રોને મોકલતો હતો. કંટાળીને પીડિતાએ પોલીસ ફરિયાદ નોંધવી હતી. હાલ, પોલીસે આરોપીને પકડવા ચક્રો ગતિમાન કર્યા છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
