ગોવાબાપા : આજે અહેમદભાઈ પટેલે આપણી વચ્ચેથી વિદાય લીધી. કોરોનાના કારણે આપણે વધુ એક પ્રતિષ્ઠિત વ્યક્તિ ગુમાવ્યા. તેમના વિશે તો હું શું લખું ? જે હતું એ તો ચાબુકના સભ્યોએ સવારમાં જ લખી નાખ્યું. જોકે ચાબુક હું જે વાત લખું છું એ મારા સિવાય તો અહીં કોઈએ નથી લખી એટલે હું જ સમગ્ર ટીમ ચાબુકવતી એ કામ કરી નાખું છું. અહેમદ ભાઈ આપના આત્માને શાંતિ મળે. ટીમ ચાબુક તરફથી અહેમદભાઈને શ્રદ્ધાંજલિ.
લાલુજી…
આજે સમગ્ર ભારતવર્ષમાં એક ઓડિયોની જ વાતો થઈ રહી છે ચાબુક. એ ઓડિયો સાંભળો તો લાગે છે લાલુ પ્રસાદ યાદવનો, જોકે લાલુની પાર્ટીના નેતાઓ તો કહે છે કે લાલુજીની નકલ કરનારાઓની સંખ્યા અગણિત છે. એવામાં આ ઓડિયો એમનો જ હોય એ થોડું છે. અનંત સિંહ પણ કહે છે કે લાલુજીનો ઓડિયો નથી, કારણ કે જેલમાંથી ફોન કરવો એ શક્ય નથી.
‘ઓલી સરકારવાળા અનંત સિંહ ?’
‘હા મોજ હા.’
‘ઓહો… હા મોજ હા.’
લલન પાસવાન નામનો એક ધારાસભ્ય આવે છે. કહે છે, લાલુએ ગરીબ સમજીને મારું ઈમાન ખરીદવાનો પ્રયત્ન કર્યો. સુશીલ કુમાર મોદીએ ખૂદ પોતાના ટ્વીટર એકાઉન્ટ પર આ વીડિયો પોસ્ટ કર્યો. હું જગમાલની દુકાને ચા પીતો હતો ત્યારે મેં દુનિયાની સૌથી ફાસ્ટ… સૌથી ફાસ્ટમાં ફાસ્ટ ખબર આપતી ચેનલમાં આ વીડિયો સાંભળ્યો. લાલુજી શું કહે છે એ તું પણ સાંભળી લે.
लालू यादव ने दिखाई अपनी असलियत
— Sushil Kumar Modi (@SushilModi) November 25, 2020
लालू प्रसाद यादव द्वारा NDA के विधायक को बिहार विधान सभा अध्यक्ष के लिए होने वाले चुनाव में महागठबंधन के पक्ष में मतदान करने हेतु प्रलोभन देते हुए। pic.twitter.com/LS9968q7pl
વાત એવી છે ચાબુક કે સુશીલ કુમાર મોદીએ થોડા ટાણા પહેલા એક મોબાઈલ નંબર ટ્વીટર પર શેર કર્યો હતો. જે લાલુજીનો હોવાની વાત એમણે કરી હતી. એ નંબર ઈરફાન અંસારીનો હતો. જે લાલુનો સેવાકર્મી છે. એવી વાત પણ સામે આવી છે કે એ ઝારખંડમાં RJDનો મહાસચિવ છે. લાલુએ આવા કુલ ત્રણ સેવાકર્મીઓ રાખ્યા છે.
Lalu Yadav making telephone call (8051216302) from Ranchi to NDA MLAs & promising ministerial berths. When I telephoned, Lalu directly picked up.I said don’t do these dirty tricks from jail, you will not succeed. @News18Bihar @ABPNews @ANI @ZeeBiharNews
— Sushil Kumar Modi (@SushilModi) November 24, 2020
આજે સુશીલ મોદી સાથે લલનજી હતા. લલનજીને લાલુનો ફોન આવ્યો અને કીધું કે, તું આજે સ્પીકર પદની પસંદગીમાં ગેરહાજર રહે.
લલનજી કહે, મારાથી એમ ન રેવાય.
તો લાલુજી કહે, કહી દે કોરોના થઈ ગ્યો.
#WATCH | लालू जी का फोन आया था तो मेरे PA ने फोन उठाया। मुझे लगा बधाई के लिए फोन किया है। वो कहने लगे कि स्पीकर को गिराना है तत्काल गिराना है। हमने ऐसा करने से मना कर दिया: लालू प्रसाद यादव के वायरल ओडियो पर भाजपा नेता ललन पासवान pic.twitter.com/5Z0OedIQUs
— ANI_HindiNews (@AHindinews) November 25, 2020
હવે આખું ચકડોળ પાછું લાલુજી માથે આવ્યું. બધા ઉતરી ગયા અને લાલુજી ચકડોળની ડોલીમાં જ રહી ગયા. એક નેતા તો કહે છે એમને રાંચીની જગ્યાએ તિહાડની જેલમાં ખસેડો. ચાબુક રાજનીતિ… રાજનીતિ…
‘હવે ગોવાબાપા કંઈ નવીન સમાચાર?’
જૂનું ને જાણીતું કોરોના
વેક્સિન તો આવી ગઈ છે. કાલ દસ વાગ્યે પ્રથમ વખત વેક્સિન માનવ શરીરમાં પ્રવેશ કરશે. એટલે કે તેનું પરિક્ષણ કરવામાં આવશે. આ સાથે જ કેન્દ્ર સરકારે પણ રાજ્યોને સૂચના આપી દીધી છે કે આપના હાથમાં છે સ્થિતિને ધ્યાનમાં રાખીને નિયંત્રણો લાગુ પાડી શકો છે. આ સિવાય કન્ટેનમેન્ટ ઝોન હોય એમાં સ્થાનિક સ્તર પર લોકડાઉન લાગુ પાડવા માટે મંજૂરી લેવી પડશે. બાકી તો પછી કોરોનાના જે રોજ સમાચાર આવે છે એ જ છે ચાબુક….
‘એલા ક્યાં જાવ છો અત્યારમાં…?’
‘ભાગવા દે સમાચાર જેવું કંઈ છે જ નહીં. મળીએ કાલ.’
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
