Team Chabuk-Gujarat Desk: કોંગ્રેસના અમદાવાદની અમરાઈવાડી બેઠકના ઉમેદવાર ધર્મેન્દ્ર પટેલ(ધમભાઈ) લેમ્બોર્ગિની કારમાં ફોર્મ ભરવા માટે પહોંચ્યા હતા. તેમની કાર મામલતદાર ઓફિસ બહાર ઉભા રહેતા જ લોકોના જોવા માટે ટોળા વળ્યાં હતા.
અમરાઈવાડીના ઉમેદવાર ધર્મેન્દ્ર પટેલે જીતનો વિશ્વાસ વ્યક્ત કર્યો છે. અમરાઈવાડીમાં હોસ્પિટલ રમતગમતનું મેદાન રોજિંદા ટ્રાફિકની સમસ્યા મોંઘવારી અને બેરોજગારીના મુદ્દાને લઈને કોંગ્રેસના ઉમેદવાર જનતાનો મત માંગશે. જનતા વચ્ચે રહ્યો છું અને જનતા વચ્ચે રહીને એમના કામ કરીશ. ધર્મેન્દ્ર પટેલે વધુમાં કહ્યું, ભાજપના વિકાસની પોકળ રાજનીતિથી જનતા પરેશાન છે.
તો દરિયાપુરથી કોંગ્રેસના ઉમેદવાર ગ્યાસુદ્દીન શેખ સાયકલ પર ઉમેદવારી કરવા પહોંચ્યા હતા. તેમણે મોંઘવારી મુદ્દે વિરોધ નોંધાવ્યો હતો. મહત્વનું છે કે, દરિયાપુર બેઠક કોંગ્રેસનો ગઢ માનવામાં આવે છે. જો કે, આ વખતે અહીં ખરાખરીનો જંગ જામશે.
ગુજરાત વિધાનસભાની 89 બેઠકોની પ્રથમ તબક્કાની ચૂંટણી માટે 1,362 ઉમેદવારોએ તેમના ઉમેદવારી પત્રો ભર્યા છે. બીજા તબક્કામાં અમદાવાદ શહેર અને જિલ્લાની 21 બેઠકો માટે મતદાન 5 ડિસેમ્બરે થશે. જેના માટે ઉમેદવારી ફોર્મ ભરવાની પ્રક્રિયા શરૂ થઈ ગઈ છે. દરમિયાન ભાજપ-કોંગ્રેસ અને આપના ઉમેદવારો ફોર્મ ભરવા પહોંચ્યા હતા. જેમાં કોઈ સાઈકલ પર તો કોઈ ઊંટગાડી પર સવાર થઈ ઉમેદવારોની નોંધાવવા પહોંચ્યા હતા. જ્યારે અમરાઈવાડીના કોંગ્રેસના ઉમેદવાર ધર્મેન્દ્ર પટેલ તો Lamborghini કારમાં ફોર્મ ભરવા પહોંચ્યા હતા.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
