Team Chabuk-National Desk: ગાઝિયાબાદ પોલીસની ગુરૂવારના રોજ ગૌ તસ્કરો સાથેની અથડામણ ચર્ચાનો વિષય બની છે. આશ્ચર્યની વાત એ છે કે તમામ ગૌ તસ્કરોને ઘૂંટણની નીચે ગોળી વાગી છે. તમામ આરોપીઓ પોલીસની ધરપકડમાં છે, પણ ચર્ચાનો વિષય એ છે કે આ માત્ર સંયોગ છે કે તમામને ઘૂંટણની નીચે જ ગોળી લાગી, કે પછી કોઈ અન્ય કારણ? અપરાધીઓની સામે આવેલી તસવીરમાં પણ સ્પષ્ટ દેખાઈ રહ્યું છે કે માત્ર પગનો ફેર છે, બાકી તમામ આરોપીઓને ઘૂંટણની નીચે જ ગોળી લાગી છે.
ગુરૂવારના રોજ લોની બોર્ડર પોલીસની ગૌ તસ્કરોની સાથે અથડામણ થઈ હતી. અથડામણમાં સાત ગૌ તસ્કરો ઘાયલ થઈ ગયા. જેમની બાદમાં ધરપકડ કરી લેવામાં આવી. ઘટનાસ્થળ પર હાજર બે લોકો ફરાર થવામાં સફળ થયા હતા. પકડાયેલા આરોપીઓની પાસેથી બંદૂક અને ધારદાર હથિયાર પણ મળી આવ્યા છે.
પોલીસને સૂચના મળી હતી કે બેહટા હાજીપુર વિસ્તારમાં એક ગોદામમાં ખાટકીવાડો ચાલી રહ્યો હતો. પોલીસને ખબર મળતા ઘટના સ્થળ પર પહોંચી હતી અને ત્યાં હાજર દૃશ્ય જોઈ અપરાધીઓને ચારે બાજુથી ઘેરી લીધા હતા. અપરાધીઓ પોલીસથી ઘેરાયેલા હોવાથી તેમણે બચાવમાં અને ભાગી છૂટવા માટે ફાયરિંગ કરી. સાત જેટલા રાઉન્ડ ફાયર થયા.
પોલીસ સાથેની અથડામણમાં મુસ્તકીમ, સલમાન, મોનૂ, ઈન્તઝાર, નાઝિમ, આસિફ, બોલર સહિતના સાત લોકો ઘાયલ થઈ ગયા. ઘાયલ થયેલાઓને પ્રથમ હોસ્પિટલમાં ભરતી કરવામાં આવ્યા હતા. અથડામણના સમયે ભૂરા અને દાનિશ નામના બે આરોપીઓ ઘટનાસ્થળથી ફરાર થઈ ગયા હતા.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
