Team Chabuk-Political Desk: હિમાચલ પ્રદેશના લાહૌલ-સ્પીતિ જિલ્લામાં આવેલા દુનિયાના સૌથી ઉંચા મતદાન કેન્દ્ર ટશીગંગમાં (tashigang) પ્રથમ વખત મંડી લોકસભા સીટ માટે મતદાન કરવામાં આવશે. આ મતદાન પેટા ચૂંટણી માટે થવાનું છે. મતદાન કેન્દ્ર ચીનની બોર્ડરથી દસ કિલોમીટર દૂર 15255 ફીટ એટલે કે 4650 મીટરની ઉંચાઈ પર આવેલું છે. ચૂંટણી આયોગે મતદાનની આ જગ્યાને મૉડલ પોલિંગ બુથ ઘોષિત કર્યું છે. અહીં 65 મતદાતાઓ વોટિંગ કરશે. ભલે આ દિવસોમાં અહીં હાડ થીજવી નાખતી ઠંડી પડી રહી હોય, પણ અહીં ચૂંટણીનો માહોલ ગરમ છે.
જિલ્લા નિર્વાચન અધિકારી અને ઉપાયુક્ત લાહૌલ સ્પીતિ નીરજ કુમારે કહ્યું હતું કે, જો લોકસભા ચૂંટણીમાં હવામાન ખરાબ રહ્યું તો ટશીગંગમાં ટીમને પહોંચાડવા માટે ચોપરની પણ મદદ લેવામાં આવશે. અહીં સો ટકા મતદાન કરવાનું લક્ષ્ય રહેશે. વર્ષ 2017ની વિધાનસભા ચૂંટણીમાં પ્રથમ વખત ટશીગંગમાં મતદાન કેન્દ્ર સ્થાપિત કરવામાં આવ્યું હતું. વિધાનસભા બાદ અહીં પંચાયત ચૂંટણીને લઈને પણ મતદાન થયું હતું. પ્રથમ વખત આ બુથમાં સંસદીય સીટ માટે મતદાન થશે.
15 ખોરડાની વસતિ ધરાવતા ટશીગંગ ગામમાં ભલે 65 મતદાતાઓ હોય, પણ હવામાને પોતાનો અસલી રંગ બતાવ્યો તો પ્રશાસન અને ચૂંટણી આયોગ માટે સમસ્યા ઊભી થશે. આ પહેલા 4443 મીટરની ઉંચાઈ પર સ્થિત સ્પીતિનું જ હિક્કિમ વિશ્વનું સૌથી ઉંચું મતદાન કેન્દ્ર હતું. સ્પીતિની કિબ્બર પંચાયત અંતર્ગત ટશીગંગ ગામમાં 42 મતદાતાઓ વિસ સ્થિત પોતાના મતાધિકારનો ઉપયોગ કરતા હતા.
વર્તમાન સમયે ટશીગંગમાં ઠંડી પોતાનો ચમકારો બતાવી રહી છે. અહીં અહર્નિશ તાપમાન નીચું જઈ રહ્યું છે. ભારે બરફવર્ષા થશે તો મતદાનની વાત તો દૂર રહી, પોલિંગની ટીમોનું બૂથ સુધી પહોંચવું પણ લોઢાના ચણા ચાવવા સમાન થઈ પડશે. આ વચ્ચે પેટા ચૂંટણી માટે ભાજપના નેતાઓ, કોંગ્રેસના નેતા અને કાર્યકર્તાઓ ટશીગંગ ગામ સુધી પહોંચીને મતદાન માટે અપીલ કરી રહ્યા છે.
તાજેતાજો ઘાણવો
- યુઝવેન્દ્ર ચહલ અને ધનશ્રીના છૂટાછેડાઃ ફેમિલી કોર્ટે આપ્યો ચુકાદો, બન્ને મોં પર માસ્ક પહેરી પહોંચ્યા કોર્ટ
- આગામી 100 કલાકમાં રાજ્યભરના ગુંડા તત્વોની યાદી તૈયાર કરવા વિકાસ સહાયનો આદેશ
- ભારતે ન્યૂઝીલેન્ડને હરાવી ત્રીજી વખત જીતી ચેમ્પિયન્સ ટ્રોફી, દુબઈમાં લહેરાવ્યો ત્રિરંગો
- અંબાલાલ પટેલની મોટી આગાહી, “એક તરફ હિમવર્ષા તો બીજી તરફ વધશે ગરમી”
- હોળાષ્ટકમાં ન કરતા આ કામ નહીં તો ભોગવવા પડી શકે છે ગંભીર પરિણામ
