Team Chabuk-National Desk: ફિલ્મ નિર્દેશક પ્રકાશ ઝાની વેબ સિરીઝ આશ્રમ-3ની શૂટિંગ દરમ્યાન રવિવારના રોજ બજરંગ દળના કાર્યકર્તાઓએ હંગામો મચાવ્યો હતો. મધ્યપ્રદેશની રાજધાની ભોપાલમાં ચાલી રહેલી શૂટિંગ દરમ્યાન બજરંગ દળના કાર્યકર્તાઓ સેટ પર જબરદસ્તી ઘુસી આવ્યા હતા અને દિગ્દર્શક પ્રકાશ ઝાની સાથે ખરાબ વ્યવહાર કર્યો હતો. કાર્યકર્તાઓએ નિર્દેશકના ચહેરા પર શાહી પણ ફેંકી હતી. ઉપસ્થિત લોકોએ આ સમગ્ર ઘટનાનો વીડિયો મોબાઈલમાં શૂટ કરી લીધો હતો. તસવીરો અને વીડિયો પણ સામે આવ્યા છે કે બજરંગ દળના કાર્યકર્તાઓ મેકિંગ ટીમના સભ્યોનો પીછો કરે છે અને તેમાંથી એકને પકડી માર મારે છે.
Madhya Pradesh | All the miscreants have been shunned from the premises & no one has been fatally injured, though some vehicles have been damaged. Further action will be taken against those responsible: Irshad Wali, DIG Bhopal on attacks at upcoming web series ‘Ashram 3’ sets pic.twitter.com/jiX9IbyWSh
— ANI (@ANI) October 24, 2021
સેટ પર હંગામો કરવા પહોંચેલા બજરંગ દળના સભ્યોનું કહેવું છે કે, બોબી દેઓલ સ્ટારર પ્રકાશ ઝા દિગ્દર્શિત વેબ સિરીઝ આશ્રમ હિન્દુત્વનું અપમાન છે. એવામાં જ્યાં સુધી આ સિરીઝનું નામ બદલવામાં નહીં આવે, તેઓ વેબ સિરીઝનું પ્રસારણ નહીં થવા દે. બજરંગ દળના એક નેતાએ જણાવ્યું હતું કે, આ સમગ્ર ઘટનામાં કોઈ ફરિયાદ દાખલ નથી કરાવી. સાથે જ તેમણે આશ્વાસન આપ્યું હોવાની પણ વાત કહી છે કે તેઓ, સીરિઝનું નામ બદલી નાખશે.
જાણકારી મુજબ રવિવારની રાતે બજરંગ દળના સભ્યોની એક ટૂકડીએ સેટ પર હુમલો કરી દીધો હતો. સેટ પર જબરદસ્તી ઘુસી આવેલા કાર્યકર્તાઓએ પ્રકાશ ઝા મૂર્દાબાદ, બોબી દેઓલ મુર્દાબાદ અને જય શ્રીરામના નારા લગાવ્યા હતા. એવી માહિતી પણ સામે આવી રહી છે કે, જ્યારે આ ઘટના બની ત્યારે વેબ સિરીઝમાં કાશીપુરના બાબા નિરાલાની ભૂમિકા ભજવનારા અભિનેતા બોબી દેઓલ પણ ત્યાં હાજર હતા.
We want the film industry to be promoted here. But this land should not be used to humiliate Hindu samaj. In the earlier series it was shown that women are exploited inside Ashram, is it so?: Bajrang Dal leader Sushil Sudele pic.twitter.com/nhl3kiqU7y
— ANI (@ANI) October 24, 2021
We’ve given only a warning today by protesting here. Prakash Raj has said that he is in talks to change the show’s title. I repeat the show’s name will have to be changed from ‘Ashram’ or won’t be filmed here in Bhopal: Bajrang Dal Bhopal leader Sushil Sudele pic.twitter.com/BwcJAJev1y
— ANI (@ANI) October 24, 2021
આ સમગ્ર ઘટનામાં બજરંગ દળના નેતા સુશીલ સુડેલે કહ્યું હતું કે, તેઓએ આશ્રમનો પ્રથમ અને બીજો ભાગ બનાવ્યો હવે ત્રીજા ભાગની શૂટિંગ કરી રહ્યા છે. તેમણે કહ્યું કે, નિર્દેશકે પોતાની સિરીઝમાં દેખાડ્યું છે કે, ગુરૂ મહિલાઓનું શોષણ કરે છે. શું તેમનામાં ચર્ચ અને મદરેસાઓને લઈ ફિલ્મ બનાવવાની હિંમત છે. એટલું જ નહીં બજરંગ દળ દ્વારા મેકર્સને પડકાર ફેંકવામાં આવ્યો છે કે, તેઓ આ વેબ સિરીઝનું નિર્માણ નહીં થવા દે. અત્યાર સુધી અમે તેનો ચહેરો ખરાબ કર્યો છે. અમે બોબી દેઓલને શોધી રહ્યા છીએ. તેમને તેમના ભાઈ સન્ની દેઓલ પાસેથી કશું શીખવું જોઈએ, જેમણે દેશભક્તિની ફિલ્મો બનાવી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
