Team Chabuk-National Desk: મહારાષ્ટ્રના નાંદેડમાં ભર બપોરે કૃષિ સહકારી બેન્કમાં 2 લાખ રૂપિયાની લૂંટ કરી. કેટલાક લૂંટારુંઓ લૂંટ કરી ફરાર થઈ ગયા પરંતુ ગામ લોકોની ચાલાકીના કારણે એક લૂંટારુંને ઝડપી લેવાયો. જેને ગામ લોકોએ પોલીસને સોંપી દીધો છે. બીજી તરફ લૂંટની આ ઘટના સીસીટીવી કેમેરામાં કેદ થઈ ગઈ છે. સીસીટીવીના આધારે પોલીસે તપાસ શરૂ કરી છે.
સમગ્ર ઘટના ઉમરી તાલુકાના સિંધી ગામે બની છે. મળતી માહિતી મુજબ શનિવારે બપોરે 2 વાગ્યે લૂંટારુંઓ બેંકમાં ઘૂસ્યા. બેંકના કર્મચારીઓ કંઈ સમજે તે પહેલાં તેમને તલવાર બતાવી 2 લાખ રૂપિયા લૂંટી લીધા. ત્યારબાદ 2 બાઈક પર લૂંટારુ ફરાર થઈ ગયા.
બેંકમાં લૂંટ થઈ હોવાનું જણવા મળતા જ ગામ લોકોએ લૂંટારુંઓનો પીછો કર્યો. ગામથી થોડે દૂર જ ગામ લોકોએ એક લૂંટારુંને ઝડપી લીધો અને બરાબરનો મેથીપાક ચખાડ્યો. જો કે, અન્ય લૂંટારુંઓ ભાગવામાં સફળ રહ્યા.
ઉમરી પોલીસે કહ્યું કે, કોંગ્રેસના નેતા મારોતરાવ કવડે આ બેંકના અધ્યક્ષ છે. બેંકમાં શનિવારે 6 લૂંટારું ઘૂસ્યા હતા અને 2 લાખ રૂપિયાની લૂંટ કરી હતી. જો કે, ગામ લોકોએ પીછો કરીને એક આરોપીને ઝડપી લીધો છે. પોલીસે આરોપીની ધરપકડ કરી છે. હાલ આરોપીની પૂછપરછ ચાલી રહી છે. સાથે જ બેંકમાં લગાવેલા સીસીટીવી પણ તપાસાઈ રહ્યા છે. અન્ય આરોપીઓને પણ જલદી પકડી લેવામાં આવશે. સમગ્ર મુદ્દે હાલ તપાસ ચાલી રહી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
