Team Chabuk-National Desk: મધ્યપ્રદેશના છિંદવાડાના પેંચ નેશનલ પાર્કમાં હરણની છલાંગનો એક અદભુત વીડિયો પર્યટકના કેમેરામાં કેદ થઈ ગયો છે. જે હાલ સોશિયલ મીડિયા પર ખૂબ વાયરલ થયો છે. આ વીડિયોમાં હરણ અંદાજે 30 ફૂટ લાંબો કૂદકો મારે છે. જે લોકોને આશ્ચર્યચકિત કરી દે છે. વીડિયોને લોકો ખૂબ પસંદ કરી રહ્યા છે.
ઉલ્લેખનીય છે કે, પેંચ નેશનલ પાર્કમાં ફરવા નીકળેલા ટૂરિસ્ટોની સામે હરણનું એક ટોળું આવી ગયું હતું. આ દરમિયાન બાકીનાં હરણ તો આમતેમ ભાગી ગયાં હતાં. જોકે એક હરણ પર્યટકને જોઈને ખૂબ જ ડરી ગયું હતું. આ હરણ ઝડપથી ભાગ્યું અને તેણે એક જ વખતમાં 30 ફૂટ લાંબો કૂદકો માર્યો હતો.એક જ કૂદકામાં હરણ રસ્તાની એક તરફથી બીજી તરફ પહોંચી ગયું. પર્યટકોનું કહેવું છે કે હરણે લગભગ 30 ફૂટ લાંબી અને 10 ફૂટ ઊંચી છલાંગ લગાવી હતી.
The Jinke #deer pic.twitter.com/zTEK8yt63q
— Sherry (@sharath_bs) January 15, 2022
આપને જાણીને આશ્ચર્ય થશે કે, હરણ એક સ્કૂલ-બસ જેટલી ઊચી અને લાંબી છલાંગ લગાવી શકે છે. હરણનું શરીર ખૂબ જ લચીલું હોવાન કારણે તે લાંબી છલાંગ લગાવી શકે છે. એટલું જ નહીં શિકારથી બચવાની કોશિશમાં કે ડરની સ્થિતિમાં હરણ 30 માઇલ પ્રતિ કલાકની ગતિથી દોડી શકે છે.
પેંચ નેશનલ પાર્કમાં હાલ મોટી સંખ્યામાં પર્યટકો આવી રહ્યા છે. નવા વર્ષના દિવસે જ અહીં આવતા ટૂરિસ્ટોની સંખ્યા 1500ની નજીક પહોંચી હતી. હજુ પણ પર્યટકોની સંખ્યામાં વધારો થઈ રહ્યો છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
