જેલમાં રાતઃ કેવી રહી અરવિંદ કેજરીવાલની રાત ?

Team Chabuk-National Desk: દિલ્હીના કથિત દારૂ કૌભાંડ કેસમાં મુખ્યમંત્રી અરવિંદ કેજરીવાલની ધરપકડ કરી લીધી છે. સીએમ કેજરીવાલે તેમની સામે શિક્ષાત્મક કાર્યવાહી રોકવા માટે દિલ્હી હાઈકોર્ટનો સંપર્ક કર્યો હતો પરંતુ તેમને રાહત મળી ન હતી. આ પછી, તેમણે ધરપકડને સુપ્રીમ કોર્ટમાં પડકારી અને તાત્કાલિક સુનાવણીની વિનંતી કરી. જોકે, સુપ્રીમ કોર્ટે તેમની અરજી ફગાવી દીધી હતી. આ તમામ હંગામા વચ્ચે EDએ ગુરુવારે રાત્રે પૂછપરછ બાદ સીએમ કેજરીવાલની ધરપકડ કરી હતી.

ED હેડક્વાર્ટરમાં બે લોકઅપ છે અને સમગ્ર ED હેડક્વાર્ટરમાં સેન્ટ્રલાઇઝ્ડ AC લગાવવામાં આવ્યા છે. કેજરીવાલ અહીં લોકઅપમાં છે. સૂત્રોનું માનીએ તો કેજરીવાલ રાત્રે બરાબર ઉંઘી ન શક્યા અને સવારે વહેલા જાગી ગયા. સવારે તેમને નાસ્તો પીરસવામાં આવ્યો અને તેમણે તેમની રોજની દવાઓ લીધી.

ED કેમેરા સામે કેજરીવાલની પૂછપરછ કરશે. તમામ નિવેદનો લખવામાં આવશે અને કેમેરામાં કેદ કરવામાં આવશે. સ્પેશિયલ ટીમે કેજરીવાલને લોકઅપમાં લઈ જઈને પૂછપરછ માટે પ્લાન બનાવ્યો છે. કેજરીવાલની પૂછપરછ કરવા માટે એડિશનલ ડાયરેક્ટરના નેતૃત્વમાં પાંચ સભ્યોની ટીમ બનાવવામાં આવી છે. ટીમમાં 2 આસિસ્ટન્ટ ડાયરેક્ટર પણ સામેલ છે. કેજરીવાલને લઈને સુપ્રીમ કોર્ટમાં સુનાવણી બાદ ED પોતાનું આગામી પગલું નક્કી કરશે.

મહત્વનું છે કે, પાર્ટીના રાષ્ટ્રીય સંયોજક અને દિલ્હીના મુખ્યમંત્રી અરવિંદ કેજરીવાલની દિલ્હી એક્સાઇઝ પોલિસી કેસમાં ગુરુવારે એન્ફોર્સમેન્ટ ડિરેક્ટોરેટ (ED) દ્વારા ધરપકડ કરવામાં આવતા આપના કાર્યકર્તાઓ ઉગ્ર બન્યા હતા. આ કેસમાં આ સૌથી હાઈ-પ્રોફાઈલ ધરપકડ છે. વિપક્ષે કેન્દ્ર સરકાર પર ‘તાનાશાહી’નો આરોપ લગાવ્યો છે. દરમિયાન, AAPના વિરોધને ધ્યાનમાં રાખીને, ITO મેટ્રો સ્ટેશનને બંધ કરી દેવામાં આવ્યું છે.

AAP નેતા રાઘવ ચઢ્ઢાએ Xને સંબોધતા કહ્યું કે ‘કેજરીવાલ માત્ર એક વ્યક્તિનું નામ નથી પરંતુ એક વિચારનું નામ છે. તમે કેજરીવાલના શરીરની ધરપકડ કરી લેશો પરંતુ તમે તેમના વિચારોની ધરપકડ કરી શકશો નહીં.’

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત