Team Chabuk-Political Desk: ગુજરાતમાં વિધાનસભા ચૂંટણી માટે હવે દિવસ ઓછા અને વેશ જાજા જેવો ઘાટ સર્જાયો છે. ત્યારે ભાજપે સ્ટાર પ્રચારકોને મેદાને ઉતાર્યા છે. ચૂંટણી પ્રચાર માટે વડાપ્રધાન મોદી અને ગૃહ મંત્રી અમિત શાહ પણ ગુજરાત આવી રહ્યા છે. ત્યારે આજથી ત્રણ દિવસ સુધી વડાપ્રધાન નરેન્દ્ર મોદી (PM Narendra Modi) આજથી ગુજરાતમાં ચૂંટણી પ્રચારનો મોરચો સંભાળશે.
દક્ષિણ ગુજરાત અને સૌરાષ્ટ્રની મોટાભાગની સીટ પર મતદારોને રીઝવવા વડાપ્રધાન આજે એટલે કે 19 નવેમ્બરે વલસાડમાં, 20 નવેમ્બરે સૌરાષ્ટ્રમાં, 21 નવેમ્બરે સુરેન્દ્રનગરમાં સભા ગજવશે.
વડાપ્રધાન નરેન્દ્ર મોદી 19 નવેમ્બરે એટલે કે આજથી વલસાડના વાપીથી ભાજપના પ્રચારની કમાન હાથમાં લેશે. દમણના ડાભેલ ચેકપોસ્ટથી વાપીના ચલા વિસ્તારમાં વડાપ્રધાનનો ભવ્ય રોડ શો યોજાશે. જ્યારે વલસાડના જુજવામાં વડાપ્રધાન નરેન્દ્ર મોદી જંગી જાહેર સભાને સંબોધશે. વડાપ્રધાનને આવકારવા વલસાડ જિલ્લા ભાજપના તમામ કાર્યકર્તાઓ અને સંગઠને તૈયારી કરી છે. તો તેઓ વલસાડમાં જ આજે રાત્રિ રોકાણ કરશે.
વડાપ્રધાન નરેન્દ્ર મોદી બીજા દિવસે એટલે કે 20 નવેમ્બરે સોમનાથ મહાદેવના દર્શન કરશે. જે પછી વેરાવળમાં જનસભા સંબોધશે. બાદમાં સૌરાષ્ટ્રના ધોરાજી, અમરેલી, બોટાદમાં પણ PM મોદી સભા ગજવશે. જે પછી તેઓ ગાંધીનગર જવાના રવાના થશે અને ગાંધીનગર રાજભવનમાં રાત્રિ રોકાણ કરશે.
તો ત્રીજા દિવસે એટલે કે 21 નવેમ્બરે વડાપ્રધાન નરેન્દ્ર મોદી સુરેન્દ્રનગર જિલ્લાના પ્રવાસે જશે. તેઓ જંબુસર અને નવસારીમાં જનસભા સંબોધશે. આ સિવાય મોદી 28-29 નવેમ્બરે સૌરાષ્ટ્ર-કચ્છ અને દક્ષિણ ગુજરાતમાં સભા, રોડ-શો, જનસભા અને ડોર-ટુ-ડોર પ્રચારમાં જોડાશે. ત્યાર બાદ બીજા તબક્કાના મતદાન પૂર્વે એટલે કે 2-3 ડિસેમ્બરે PM મોદી ફરી મધ્ય અને ઉત્તર ગુજરાતમાં જનસભા અને ડોર-ટુ-ડોર પ્રચાર કરશે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
 આજથી ગુજરાતમાં ચૂંટણી પ્રચારનો મોરચો સંભાળશે.){kind=link}