Team Chabuk-Special Desk: સ્ટિફન હોકિંગ વેટિકન સિટીની મુલાકાતે ગયેલા. પોપ જ્હોન પોલે તેમને મોં સામે કહી દીધુ, ‘ઈશ્વરે બ્રહ્માંડનું સર્જન ન કર્યાનું તમારું નિવેદન જાણી મને આઘાત લાગ્યો. હું આ વાતથી દુ:ખી છું, અને તમારા સંશોધન અને પ્રસિદ્ધીને માનતો નથી.’ હોકિંગ કશું બોલ્યા નહીં, હોકિંગને લાગતું હતું કે, પોપ અને તેના પર વિશ્વાસ રાખનારાઓએ ગેલેલિયોને છોડ્યા નહોતા, તો મને ક્યાંથી છોડશે ? ઉપરથી આપણે શરીરથી અપંગ માણસ, એટલે તેમણે કંઈ જવાબ ન આપ્યો. હોગકોંગ પહોચ્યા એટલે સ્ટીફને ત્યાંની યુનિવર્સિટીમાં લેક્ચર આપતી વખતે કહ્યું, ‘કોઈને કહેતાં નહીં, મેં વેટિકન સિટી કોલેજમાં મારૂ સંશોધન સબમીટ કરી દીધું છે. અને પોપને આ વાતની ખબર નથી.’ પોપ જ્હોનને ક્યાંથી ખબર હોય, ત્યાં સુધીમાં તો તે ઈશુને પ્યારા થઈ ગયા હતા.
2015માં બ્રિટીશ બેન્ડે ઝયાન મલિક નામનો બેન્ડનો પાંચમો મેમ્બર અકસ્માતે ગુમાવી દીધો. ટીમમાંથી તે અલગ થઈ ગયો. આખું બ્રિટન રડવા માડ્યું. શાંત નહોતુ રહેતું. એટલામાં ટપક્યાં સ્ટીફન હોકિંગ. તેમણે રડી રહેલા ટીનએજ અને ઝયાન મલિક બનવા માગતા લોકોને જણાવ્યું, ‘હું થીયરી ઓફ રિલેટિવીટી અને ટાઈમ દ્વારા એક નવી શોધ કરી રહ્યો છું, તેની તો તમને ખબર જ હશે અને તમે મારું પુસ્તક પણ વાંચ્યું હશે, રડશો નહિં, કારણ કે ઝયાન બૅન્ડને છોડી નથી ગયો, ટાઈમ ટ્રાવેલની થીયરીને અપનાવી જોશો, તો ઝયાન હજુ ત્યાં જ હશે, બેન્ડમાં. એટલે તમે ઝયાનનાં જવા પર નહીં, મારા સંશોધન પર ધ્યાન આપો, જો હું સંશોધન કરવામાં કામિયાબ થયો, તો ઝયાન પાછો બૅન્ડમાં સામિલ થઈ તમને મળી જશે. ઈટ્સ ટાઈમ ટ્રાવેલ બોયસ.’
ત્રણ દાયકા સુધી તેમણે કોમ્પયુટરાઈઝડ વોઈસનો ઉપયોગ કર્યો, તેમની ઈચ્છા હતી કે, હવે હું હોલિવુડ સ્ટાર્સને મારા વોઈસ તરીકે રાખુ. ઓડિશન લેવા માટે બોલાવ્યા, જેમાં લાયમ નેસન, એન્ના કેડ્રિક, રેબલ વિલ્સન જેવા સ્ટાર્સ હતા. ઓડિશનની શરૂઆત પહેલાં જ સ્ટીફને પૂછ્યું, ‘તમારામાંથી કોઈને સાયન્સનું નોલેજ છે.’ બધા હોલિવુડ સ્ટાર્સ તેમની સામે જોઈ રહ્યા, પણ અદભૂત કલાકાર લાયમ નેસન રાડો પાડવા માંડ્યા, ‘સર, પ્લીઝ મને તમારા વોઈસ તરીકે રાખો.’ જવાબમાં સ્ટીફને કહ્યું, ‘આને રાખતા જ નહીં…’ પણ પોતાનું સપનું પૂર્ણ કરવા માઈકલ કેન નામના કલાકારને તેમણે પોતાના અવાજ તરીકે રાખ્યા.
એક વાર સ્ટીફને મજાકમાં કહ્યું, ‘મારે સ્પેસમાં ટ્રાવેલ કરવું છે. કદાચ રિચાર્ડ બ્રેન્સન મારી મદદ કરશે.’ તેમણે તો મજાકમાં જ કહેલું, પણ રિચાર્ડ બ્રેન્સન સાચું માની ગયા અને સ્ટીફન માટે કરોડોની સંપતિ ન્યોછાવાર કરી તેમને વર્જીન ગેલેક્ટિક સ્પેસશિપમાં ઉડાન ભરાવી. છેલ્લે સુધી સ્ટિફન કહેતા રહ્યાં, ‘યાર હું મજાક કરતો હતો, તમે મારું ધ્યાન રાખજો… આ પાગલપન કહેવાય.’
તેઓ મસ્તી કરતાં, અને સહન કરવાની પણ આદત હતી. 2016માં લંડનના કાર્યક્રમ આઈ એમ અ સેલિબ્રિટી: ગેટ મી આઉટ ઓફ હીયરમાં તેમના અવાજની મશ્કરી ઉડાવવામાં આવી. મીડિયા જગત સ્તબ્ધ થઈ ગયું. તેમણે આ ઘટનાની નિંદા કરી. બાદમાં આ શો પ્રેઝન્ટ કરનારા લોકો મીડિયા સામે આવ્યા અને કહ્યું કે, ‘સ્ટીફનને અમારો શો પસંદ આવ્યો અને તેમણે કહ્યું, મઝા આવી ગઈ.’
2013માં સ્ટીફને ઈચ્છામૃત્યુને સપોર્ટ કરેલો, લોકો આઘાતમાં સરી પડેલા. સ્ટીફનની ઉતાવળને દાદ દેવી પડે. 21 વર્ષની ઉંમરે તેઓ વ્હીલચેર પર આવી ગયા. ડૉક્ટરે કહ્યું તમે આગામી 2થી 5 વર્ષ માટે જ જીવતા રહેશો. તેમાં તે માણસે પોતાના વિજ્ઞાન પ્રેમ માટે આટલું કામ કરી નાખ્યું. આટલું બધુ કામ કરી નાખ્યું. 24 વર્ષની ઉંમરે જ્યારે ડોક્ટરેટ થયા ત્યારે થીસીસ ઓનલાઈન નહોતો મુકાયો એટલે તેમના થીસીસની લાઈબ્રેરીમાં વાંચવાની કિંમત 67 પાઉન્ડની આસપાસ રાખવામાં આવેલી. બ્રિફ હિસ્ટ્રી ઓફ ટાઈમની 1 કરોડ નકલો વેચાયેલી. ઉપરથી નવા સિદ્ધાંતો આપ્યા તે નોખા, પણ હોકિંગ ખુદ માને છે, ‘જો હું વ્હિલચેર પર નહોત, તો આટલું કામ ન કરી શકેત.’ કેટલીક ભેટો અમર થવા માટે મળતી હોય છે.
(સ્ટીફન હોકિંગે આજના જ દિવસે આપણી વચ્ચેથી વિદાય લીધેલી)
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
